麥堅泰否認有關暗殺總統
Be̍h-kian-thài ho͘N2-jīm iū-koan àm-sat chōng-thóng
文獻資訊
| 項目 | 資料 |
|---|---|
| 作者 | 無lo̍h名 |
| 卷期 | 台灣教會公報 |
| 卷期 | 第1043、1044期合刊 |
| 日期 | 1968/12 |
| 頁數 | 24 |
白話字（原文數位化）
Be̍h-kian-thài ho͘N2-jīm iū-koan àm-sat chōng-thóng
1968.12.01 1043-1044 ha̍p khan hō P.24
Bān-kok Ki-tok-kàu Hia̍p-hoē (I. C. C. C.) Be̍k-kian-thài Bo̍k-su, 10 ge̍h 17 ji̍t tī i só͘ hoat-khan ê chiu-khan “Ki-tok-tô͘ teng-thah” (Chsistian Beocon) tē 1 bīn kàu tē 4 bīn, hoat-piáu i kap àm-sat Kam-nái-tek Chóng-thóng bô koan.
Che sī tuì 10 ge̍h 10 hō kap 13 hō tī Hui-lia̍p-thiat-hui chhī Boán-pò kap Seng-kî-ji̍t chiu-khan só͘ hoat-piáu kong-kek Be̍k Bo̍k-su lâi kóng ê. Chit nn̄g pò ū ēng Rambuntio͘s Reverend and His Cape may Neighbors (Chho͘-iá ê Bo̍k-su kap Gō͘-ge̍h kak ê chhù-piⁿ) choè phiau-toê kóng-khí, “Be̍k-kian-thài kap àm-sat Kam Chóng-thóng ū koan-liân. Koh kóng, i oân-hūn Thian-chú kàu-tô͘ í-ki̍p kî-thaⁿ ê thoân-thé, pau-koat Bí-kok o͘-lâng í-ki̍p Tang Au Iû-thài lâng î-bîn,” chiah ê oē sī Petyr H. Bingen só͘ hoat-piáu ê. Bingeh tit-tio̍h Khah-lâi-ki (Carnegie) Châi-thoân ê gián-kiù-hù chi̍t nî liáu-āu koh tò-tńg--lâi Khûn-bū tī chit ê Boán-pò. Be̍k-kian-thài Bo̍k-su ēng 4 bīn ê phian-pak lâi ho͘N2-jīm chiah ê sū-si̍t.
漢羅（Ùi原文改寫）
麥堅泰否認有關暗殺甘總統
1968.12.01 1043-1044合刊號P.24
萬國基督教協會(I.C.C.C.)麥堅泰牧師，10月17日佇伊所發刊的週刊「基督徒燈塔」(Chsistian Beocon)第1面到第4面，發表伊佮暗殺甘迺迪總統統無關。
這是對10月10號佮13號佇Hui-lia̍p-thiat-hui市晚報佮Seng-kî-ji̍t週刊所發表攻擊麥牧師來講的。這兩報有用Rambuntio͘s Reverend and His Cape may Neighbors (Chho͘-iá的牧師佮五月角的厝邊)做標題講起，「麥泰堅佮暗殺甘總統有關連。閣講，伊怨恨天主教徒以及其他的團體，包括美國烏人以及東歐猶太人移民，」遮的會是Petyr H.Bingen所發表的。Bingeh得著卡內基Carnegie)財團的研究赴一年了後閣倒轉來Khûn-bū佇這個晚報。麥堅泰牧師用4面的篇幅來否認遮的事實。