自由對抗權威

Chū-iû tuì-khòng koân-ui

文獻資訊

項目	資料
作者	無lo̍h名
卷期	台灣教會公報
卷期	第1043、1044期合刊
日期	1968/12
頁數	24

白話字（原文數位化）

CHŪ-IÛ TUÌ-KHÒNG KOÂN-UI

1968.12.01  1043-1044 ha̍p khan hō P.24

Bí-kok chhut-miâ ê “Sî-tāi” chiu-khan tī 11 ge̍h 22 hō ê chong-kàu-noâ ēng “Thian-chú-kàu ê chū-iû tuì koân-ui” ê toê-ba̍k khan-chài phêng-lūn. Khóng-khí tī 7 ge̍h 29 hō Kàu-chong Pó-lô 6 sè-só͘ kóng-pò ê “Jîn-luī seng-bēng thong-jū” (hoán-tuì sán-jî chè-hān), kiám-chhái thang kóng sī kap Lō͘-tek Má-teng ê chong-kàu kái-kek tng-sî hiah tiōng-iàu, tī Thian-chú-kàu kàu-hoē-sú siōng koat-tēng tek ê chi̍t ji̍t.” Chhim-khek lâi phêng-lūn Thian-chú-kàu lāi-bō͘ ê tōng-hiòng.

Chit hoê ê kàu-chong thong-jū tuì kong-pò í-lâi, bô-lūn tī Au-chiu á-sī Bí-kok ê Thian-chù-kàu-tô͘, toā-pō͘-hūn piáu-sī hoán-tuì ê thài-tō͘ (chham-khó͘ Pún-pò 10 ge̍h (b) hō tē 13 bīn 天主教禁止人工節育). Tuì án-ni, tuì “Kàu-chong ê chit-koân” ê siūⁿ-hoat ū piàn-tōng ê tiāu-thâu, “Sî-tāi chiu-khan” kóng, “Ū chin khoah ê ì-kiàn kám-kak ū su-iàu pak-thoat kàu-chong tī kàu-hoē seng-oa̍h tiong ēng kun-ông ê koân-lī chiáng-ap ê chit-koân” Koh kóng, “Chiah ê sin ê lâng khoàⁿ sī beh ha̍h tī sèng-tô͘ choè kái-kek-chiá, á-sī chiâⁿ-choè īⁿ-toan-chiá lī-khui kàu-hoē; sī chāi tī Pó-lô 6 sè ê chhiú-oán kap kám-siū-sèng.

漢羅（Ùi原文改寫）

自由對抗權威

1968.12.01  1043-1044合刊號P.24

美國出名的「時代」周刊佇11月22號的宗教欄用「天主教的自由對權威」的題目刊載評論。Khóng-khí佇7月29號教宗保羅6 世所廣播的 「人類生命通諭」(反對產兒制限)，撿彩通講是佮路德馬丁的宗教改革當時遐重要，佇天主教教會史上決定的(tek)的一日。」深刻來評論天主教內幕的動向。

這回的教宗通諭對公報以來，無論佇歐洲仔是美國的天主教徒，大部份表示反對的態度(參考本報10月(b)號第13面天主教禁止人工節育)。對按呢，對「教宗的職權」的想法有變動的兆頭，「時代周刊」講，「有真闊的意見感覺有需要剝脫教宗佇教會生活中用君王的權利掌握的職權」閣講，「遮的新的人看是欲合佇聖徒做改革者，仔是成做異端者離開教會；是在佇保羅6世的手腕佮感受性。