陽光佮健康

Iông-kong kap kiān-khong

文獻資訊

項目	資料
作者	無lo̍h名
卷期	台灣教會公報
卷期	第1039期
日期	1968/10
頁數	16-17

白話字（原文數位化）

Iông-kong kap kiān-khong

1968.10.01  1039 hō  P.16-17

Thài-iông ê kng-soàⁿ tuì lán lâng ê kiān-khong ū chin toā ê éng-hióng. Lí nā ài muí ji̍t cheng-ka seng-oa̍h ê oa̍h-le̍k, khah hó muí chá-khí chhut-khì chiò-ji̍t, choè kiān-khong chhau. Chá-khí-sî jiû-nńg ê ji̍t-nńg ê ji̍t-kng, oē hō͘ lí chi̍t ji̍t tiong siūⁿ boē kàu ê khin-sang jû-khoài.

Iông-kong tuì lâng ê hó-chhù ū í-hā kuí-hāng: (1) Thài-iông kng tiong ê chí-goā-soàⁿ chiò tio̍h phê-hu, oē hō͘ thé-lāi sán-seng uî-thaⁿ-bēng D. Chit ê uî-thaⁿ-bēng D oē chhiok-chìn kài-chit (鈣) ê khip-siu, hō͘ sin-thé ê kut-keh ióng-chòng. In-uī pô-lê oē chó͘-chí chí-goā-soàⁿ, só͘-í khah hó tio̍h tī hō͘-goā chiò-ji̍t. (2) Chí-goā-soàⁿ oē sat khún. (3) Cheng-kiông mn̂g kńg ê tí-khòng-la̍t, oē tī-liâu siong-hong bín-kám-sèng ê pēⁿ, Koh koâⁿ-thiⁿ oē khah m̄-kiaⁿ koâⁿ, ngó͘-jiân ak-tio̍h hō͘, iā khah boē koâⁿ-tio̍h. (4) Hō͘ huih-e̍k sûn-khoân liû-thong, bô-lūn ko-hiat-ap, á-sī kē-hiat-ap lóng ū lī-ek.

Sèng-keng kóng Chú Iâ-so͘ sī chin ê kng, lán ê lêng-sèng koh-khah su-iàu cheng-sîn-siōng ê kng lâi chiò. Lán iā tio̍h muí-ji̍t chiap-siū Chú ê kng chió, chiū oē tit-tio̍h ióng-hun; tí-khòng pháiⁿ ê chhim-ji̍p, sim-sîn ióng-chòng hoa̍t-phoat.

漢羅（Ùi原文改寫）

陽光佮健康

1968.10.01  1039號P.16-17

太陽的光線對咱人的健康有真大的影響。你若愛每日增加生活的活力，較好每早起出去照日，做健康操。早起時柔軟的日光，會予你一日中想袂到的輕鬆愉快。

陽光對人的好處有以下幾項：(1)太陽光中的紫外線照著皮膚，會予體內產生維他命D。這個維他命D會促進鈣質(鈣)的吸收，予身體的骨骼勇壯。因為玻璃會阻止紫外線，所以較好著佇戶外照日。(2) 紫外線會殺菌。(3) 增強毛管的抵抗力，會治療傷風敏感性的病，閣寒天會較毋驚寒，偶然沃著雨，也較袂寒著。(4)予血液循環流通，無論高血壓，抑是kē血壓攏有利益。

聖經講主耶穌是真的光，咱的靈性閣較需要精神上的光來照。咱也著每日接受主的光少，就會得著養份；抵抗歹的深入，心神勇壯活潑。