當選市長

Tòng-soán chhī-tiúⁿ

文獻資訊

項目	資料
作者	無lo̍h名
卷期	台灣教會公報
卷期	第1029期
日期	1968/5
頁數	10

白話字（原文數位化）

Ko-hiông-chhī

Iûⁿ Kim-hó͘ Tiúⁿ-ló

1968.05.01  1029 hō  P.10

Chiân-kim kàu-hoē ê Tiúⁿ-ló Iûⁿ Kim-hó͘ Sian-siⁿ tòng-soán tē 6 kài ê Ko-hiông chhī Chhī-tiúⁿ.

Iûⁿ Tiúⁿ-ló hiān-nî í-keng 70 hè lah, chóng-sī cheng-sîn jio̍k-thé lóng chin ióng-chòng hoa̍t-phoat.  I tī Ko-hiông chhī toà 50 nî kú, ū khui Jîn-hô i-iⁿ, put-chí koan-sim chèng-tī, chóng-sī bô boē kì-tit i sī Ki-tok-tô͘.  4 chhù ê kèng-soán chhī-tiúⁿ to ēng”Kèng Sîn ài jîn”choè i ê chèng-kiàn ê chi̍t tiâu.

Iûⁿ Tiúⁿ-ló hiān-jīm Ko-hiông Chiân-kim kàu-hoē ê tiúⁿ-ló, í-goā ū(ú) tng Ko-hiông Ki-tok-kàu Chheng-liân-hoē ê hù lí-sū-tiúⁿ.  Tiúⁿ-ló-niû Lîm Gio̍k-hoâ Lú-sū sī Chiân-kim kàu-hoē Lú Soan Hoē-tiúⁿ.  I ê sió-bē sī Chóng-hoē Lú Soan chí-tō-chiá chi-it.  Bē-sài sī Lîm Khé-sam Tiúⁿ-ló, iā Tâi-oân Sîn-ha̍k-īⁿ īⁿ-tiúⁿ Tân Sek-chong Phok-sū sī Iûⁿ Tiúⁿ-lô ê sun-sài.

Chhiáⁿ kok-uī tho̍k-chiá uī-tio̍h chit uī Ki-tok-tô͘ chhī-tiúⁿ tāi-tó.

漢羅（Ùi原文改寫）

當選市長

高雄市

楊金虎長老

1968.05.01  1029號P.10

前金教會的長老楊金虎先生當選第6屆的高雄市市長。

楊長老現年已經70歲lah，總是精神肉體攏真勇壯活潑。伊佇高雄市蹛50年久，有開人和醫院，不止關心政治，總是無未記得伊是基督徒。4處的競選市長都用「敬神愛人」做伊的政見的一條。

楊長老現任高雄前金教會的長老，以外有當高雄基督教青年會的副理事長。長老娘林玉華女士是前金教會女宣會長。伊的小妹是總會女宣指導者之一。妹婿是林啟三長老，也台灣神學院院長陳Sek-chong博士是楊長老的孫婿。

請各位讀者為著這位基督徒市長代禱。