日本出版社聯合起造基督教文字中心大樓

Ji̍t-pún chhut-pán-siā liân-ha̍p khí-chō ki-tok-kàu bûn-jī tiong-sim toā-lâu

文獻資訊

項目	資料
作者	無lo̍h名
卷期	台灣教會公報
卷期	第1030期
日期	1968/5
頁數	7-8

白話字（原文數位化）

Ji̍t-pún chhut-pán-siā liân-ha̍p khí-chō ki-tok-kàu bûn-jī tiong-sim toā-lâu

1968.05.15 1030 hō P.7~P.8

日本出版社聯合建造基督教文字中心大樓

Ji̍t-pún kok Ki-tok-kàu chhut-pán-siā liân-ha̍p ê Ki-tok-kàu bûn-su tiong-sim toā-lâu, í-keng tī 4 ge̍h 1 hō͘ tī Tang-kiaⁿ to͘ Sin-siok-khu Sin-sió chhoan-teng ê sin toā-lâu kú-hêng lo̍k-sêng lé-pài.  Chit keng toā-lâu chiàm toē 90 goā phîⁿ khí 4 lâu, tû chhut-pán hia̍p-hoē ê kok siā kiōng-tông chhut-chu goā, tit-tio̍h Bí-kok Kàu-hoē Hia̍p-gī-hoē（WCCC）Hái-goā Bûn-su Ui-oân-hoē（Litlit）pó͘-chō͘ Bí-kim 14 bān.

Chit ê bûn-su tiong-sim, 3 kai sī choè sū-bū-só͘, 1, 2 kai choè Ki-tok-kàu kok chhut-pán-siā ha̍p-pān chhut-pán hoàn-bē hia̍p-hoē ê Ji̍t-pún Ki-tok-kàu hoàn-bē tiong-sim.  Tuì chia sàng-chhut su-che̍k hō͘ choân Ji̍t-pún 70 ê Ki-tok-kàu chheh-tiàm, kap 660 ê it-poaⁿ chheh-tiàm.

漢羅（Ùi原文改寫）

日本出版社聯合起造基督教文字中心大樓

1968.05.15  1030號P.7~P.8

日本出版社聯合建造基督教文字中心大樓

日本各基督教出版社聯合的基督教文書中心大樓，已經佇4月1予佇東京都新宿區 Sin-sió chhoan-teng的新大樓舉行落成禮拜。這間大樓佔地90外坪起4樓，除出版協會的各社共同出資外，得著美國教會協議會（WCCC）海外文書委員會（Litlit）補助美金14萬。

這個文書中心，3階是做事務所，1，2階做基督教各出版社合辦出版販賣協會的日本基督教販買中心。對遮送出書籍予全日本70個基督教冊店，佮660個一般冊店。