世上的光，地上的鹽

Sè siōng ê kng, tē siōng ê iâm

文獻資訊

項目	資料
作者	鄭兒玉 Tēⁿ Jî-gio̍k
卷期	台灣教會公報
卷期	第1028期
日期	1968/4
頁數	18

白話字（原文數位化）

世上的光，地上的鹽

鄭兒玉 作詞         駱維道 作曲

1968.04.15  1028 hō  P.18

Chú lí kau-tài goá kang-tiâⁿ, Goá chīn-la̍t teh phah-piàⁿ,

Nā-sī chit sè-kan siaⁿ-im, Kè-thâu choē kiáu-jiáu sim,

Hit-sî goá sim ài tiāⁿ-tiāⁿ, Chi̍p-tiong chù-sîn lâi thiaⁿ

Tuì ji̍t-ji̍t tio̍h chò kang-tiâⁿ, Chú teh chí-sī ê siaⁿ.

Taⁿ goá tī kang-chok tiong-kan, Kiaⁿ liáu chí thàn sè-kan,

Sui bô hiâm kéng-gū kan-khó͘, Tio̍h uī seng-oa̍h phun-pho,

Khún-kiû Thiⁿ-pē chhun sèng-chhiú, Hû-chhî bián siū ín-iú,

Hō͘ goá tī bô-êng tiong-kan, iā khîⁿ-tiâu Chú pêng-an.

Sè-kan seng-oa̍h bô tan-sûn, Iông-īⁿ poa̍h-lo̍h tîm-lûn,

Ū-sî bêng-chai sī put-gī, iáu-kú(kù) oh-tit siám-pī,

Ū-sî koân-sè pek goá kiâⁿ, Ko͘-hū goá Chú chun-miâ,

Goān goá ióng-kám kap chheng-liâm, Chiâⁿ-chò sè-kan kng, iâm.

Siā-hoē pān-sū ná ho̍k-cha̍p, Lâng-lâng ná pháiⁿ hô-ha̍p,

iàu-kín tāi-chì tio̍h chham-siông, Khiok bô lō͘ thang siong-liông,

Goān Chú chò Tiong-pó ki-lêng, Hō͘ lâng chò-sū hô-pêng,

Lí sī sè-kài chú-jîn-ong, Sím-phoàⁿ tē-chiūⁿ kun-ông.

漢羅（Ùi原文改寫）

世上的光，地上的鹽

鄭兒玉 作詞         駱維道 作曲

1968.04.15  1028號 P.18

主你交代我工程，我盡力teh拍拚，

若是這世間聲音，過頭濟攪擾心，

彼時我心愛定定，集中注神來聽

對日日著做工程，主teh指示的聲。

Taⁿ我佇工作中間，驚了只趁世間，

雖無嫌境遇艱苦，著為生活奔波，

懇求天父伸)聖手，扶持免受引誘，

予我佇無閒中間，也khîⁿ-tiâu主平安。

世間生活無單純，容易跋落沉淪，

有時明知是不義，iáu-kú學得閃避，

有時權勢逼我行，辜負我主尊名，

願我勇敢佮清廉，成做世間光，鹽。

社會辦事ná複雜，人人ná歹和合hô-ha̍p，

要緊代誌著參詳，卻無路通商量，

願主做中保機能，予人做事和平，

你是世界主人翁，審判地上君王。