Kò͘ Keh Eng-kok Tiúⁿ-lóPermalink

文獻資訊Permalink

白話字（原文數位化）Permalink

Kò͘ Keh Eng-kok Tiúⁿ-ló

1966.10.15 P14

Sio̍k Tâi-pak Tiong-hoē Sū-lîm ê Saⁿ-kak-po͘ kàu-hoē ê Tiúⁿ-ló Keh Eng-kok Sian-siⁿ, tī 9 ge̍h 18 hō kè-sì, hióng-siū 66 hè.

Keh Tiúⁿ-ló tī Bîn-kok chêng 11 nî chhut-sì, keng-kè Tām-kang Tiong-ha̍k kap Tâi-oân Sîn-ha̍k-īⁿ, Bîn-kok 13 nî pit-gia̍p choè thoân-tō, siāng nî kiat-hun, keh nî chiū èng phèng tam-tng Má-kai I-īⁿ sū-bū-tiúⁿ, ti̍t-kàu Bîn-kok 32 nî Má-kai I-īⁿ kái-sàn, kiōng 18 nî kú, jiân-āu chiah khì Tâi-pak chhi su-li̍p Jîn-chè-īⁿ choè sū-bū-tiúⁿ, koh tng sū-bū-tiúⁿ kàu choè-āu.

Keh Tiúⁿ-ló chū Bîn-kok 16 nî tng chip-sū kè 17 nî, jiân-āu tng tiúⁿ-ló iā kàu choè āu iā ū 17 nî, chit tiong-kan choè Tiong-hoē koè-kè, Tāi-hoē kiám-cha phō͘-chheh ê chú-jīm, Chóng-hoē choè Châi-bū-chhù-tiúⁿ, ū chin toā kòng-hiàn.

Keh Tiúⁿ-ló choè lâng iong-sêng, koáⁿ-giân, tuì-thāi lâng chin sêng-khún, ho̍k-bū kàu-hoē chin chhut-la̍t, só͘-í bat i ê lâng to lóng chin khim-gióng i.

I ū 2 ê hāu-siⁿ, chi̍t ê tī Tē it gûn-hâng, chi̍t ê tī Sū-lîm Tìn-kong-só͘; 3 ê cha-bó͘-kiáⁿ, chi̍t ê tī Tong-hái Tai-ha̍k, chi̍t ê choè Kok-bîn ha̍k-hāu lāu-su, chi̍t ê tī Tiān-le̍k kong-si, thang kóng sī sêng-kong ê ke-têng.

漢羅（Ùi原文改寫）Permalink

故 Keh Eng-kok長老

1966.10.15 P14

屬台北中會士林ê三角部教會ê長老Keh Eng-kok先生， tī 9月18號過世，享壽66 歲。

Keh長老tī 民國前11年出世，經過淡江中學kap台灣神學院， 民國 13年畢業做傳道， siāng年結婚， 隔年就應聘擔當馬偕醫院事務長，直到民國 32年馬偕醫院 解散，共18年久，然後chiah去台北市 私立仁濟院做事務長， koh當事務長到最後。

Keh長老自民國16年當執事過 17年，然後當長老也到最後也有17年， 這中間做中會 會計，大會檢查 簿冊ê主任，總會做財務處長，有真大貢獻。

Keh長老做人忠誠，寡言，對待人真誠懇，服務教會真出力，所以bat伊ê人to攏真欽仰伊。

伊有兩 ê後生，一個tī第一銀行，一個tī士林鎮公所；三個查某囝，一個tī 東海大學，一個做國民學校老師，一個tī電力公司， thang講是成功ê家庭。