水kap身體
Chuí kap Sin-thé
文獻資訊
| 項目 | 資料 |
|---|---|
| 作者 | 拾穗生 |
| 卷期 | 台灣教會公報 |
| 卷期 | 第974號 |
| 日期 | 1966/1 |
| 頁數 | 15 |
白話字（原文數位化）
Chuí kap Sin-thé
拾穗生
Khioh Be̍h-suī第6期1966..01.15 P.15
Chuí sui-jiân m̄-sī êng-ióng mi̍h, tuì tī lán ê sin-thé sī bô boē ēng-tit--ê, chiàm lán choân-thé tāng ê saⁿ-hūn-jī. Huih kap Lîm-pa-e̍k（淋巴液）oá-khò chuí-hun sàng êng-ióng liāu kàu choân seng-khu, siāng-sî tuì ta̍k só͘-chāi ūn-poaⁿ hiah ê bô lō͘-ēng ê mi̍h chhut-khì. Tû che í-goā, tiau-chiat seng-khu ê un-tō͘ hō͘ I pêng-kun, toā joa̍h á-sī ūn-tōn ê sî, I chiū pìⁿ choè koāⁿ lâu chhut-lâi, hō͘ thé-un khah kē, koh oē pang-chān siau-hoà, hō͘ tāi-piān khah oē thong, ta̍k ji̍t ū chi̍t pō͘-hūn ê chuí tuì phê-hu, hì, io-chí chhut-khì. Só͘-í lán muí ji̍t tio̍h ài lim siong-tong ê chuí lâi-ó͘. chiàu choan-būn ka ê gián-kiù, ta̍k ji̍t tio̍h ài lim 6 poe, ū lâng kóng lim 7 ha̍p, chiàu lâng ê thé-chit, goá chiah lim 600 g., lim liáu ūn-tōng lāi-chōng: uī, tn̂g, táⁿ, koaⁿ, io-chí, sim-chōng. Thâu-khak: Náu-chhé, phīn, ba̍k, chhuì, hī, áu kha-tê-á. Che sī ìn-tō͘ ê Tiat-ha̍k ka hoat-bêng ê, iā sī chin iàu-kín, Sèng-chheh lāi koan-hē kha ê tāi-chì ū kì chin-choē. Tē it tāi-seng sī A-pek-la̍h-hán phâng chuí hō͘ 3 ê lâng-kheh soé kha (Chhòng-sè-kì 18:4). Beh pó-siú sèng-tô͘ ê kha (I Sat-bó͘-jíⁿ 2:9). Í-sek-lia̍t peh-siⁿ kiâⁿ khòng-iá 40 nî kha bô phòng-phā (Nî-hi-bí 9:21). Koan-hē kha ê sū, Sin Kū-iok ū kì 43 pái, lō͘-é pái Khé-sī-lio̍k 2:18, lán ê Chú Iâ-so͘ ê kha chin-chhiūⁿ kng-liāng ê tâng, choè-āu choân seng-khu ê kut-chat kap chhim ho͘-khip, án-ni chha-put-to 40-45 kun.
Téng-kî ū kóng toā chhiò ê lī-ek, chóng-sī lán boē thang ta̍k ji̍t toā chhiò, nā chiàu téng-bīn ū kui-lu̍t chiàu chhù-sū ê ūn-tōng, hit ê lī-ek m̄-sī sió-khoá.
漢羅（Ùi原文改寫）
水kap身體
拾穗生
拾麥穗第6期1966.01.15 P.15
水雖然m̄是營養物，對tī咱ê身體是無buē 用得--ê， 佔咱全體重ê三份二。血kap 淋巴液（淋巴液）倚靠水分送營養 liāu到全身軀， siāng-時tuì 逐所在運搬hiah-ê無路用ê物出去。 除這以外， 調節身軀ê溫度hō͘伊平均，大熱á是運動 ê時，伊就變做汗流出來， hō͘體溫 khah kē， koh 會幫贊消化， hō͘大便khah 會通， 逐日有一部分ê水tuì皮膚， 肺，腰子出去。所以咱每日tio̍h ài lim相當ê水來補。照專門家ê研究， 逐日tio̍h ài lim 6杯，有人講lim 7 ha̍p，照人ê體質，我chiah lim 600 g， Lim了運動內臟: 胃，腸， 膽， 肝，腰子，心臟。頭殼:腦髓， 鼻， 目，嘴， 肺， 後腳蹄仔。這是印度ê哲學家發明ê，也是真要緊，聖冊內關係腳 ê 代誌有記真濟。第一事先是亞伯拉罕捧水hō͘三個人客洗腳(創世記18:4)。 Beh保守聖徒ê腳(撒母耳上2:9)。以色列百姓行曠野40年腳無膨-phā (尼希米9:21)。關係腳 ê事，新舊約有記 43 篇， 路尾篇啟示錄2:18，咱ê主耶穌ê腳親像光亮ê銅，最後全身軀ê骨節kap深呼吸， án-ni差不多40-45 斤。
頂期有講大笑ê利益，總是咱boē-thang 逐日大笑，若照頂面有規律照次序ê運動， hit-ê利益m̄是小khoá。