安姑娘金姑娘的請安

An Ko͘-niû Kim Ko͘-niû ê chhéng-an

文獻資訊

項目	資料
作者	無lo̍h名
卷期	台灣教會公報
卷期	第867期
日期	1961/3
頁數	22

白話字（原文數位化）

An Ko͘-niû Kim Ko͘-niû ê chhéng-an

1961年3月867期       22

Chêng tī lán Tâi-oân chò soan-kàu-su ê An Gī-lí Ko͘-niû, Kim Jîn-lí Ko͘-niû tī nî-thâu ū siá phoe lâi hō͘ Bêng Bo̍k-su, teh kóng-khí chhéng-an kap kiong-hō sin-nî. Chit ê chhéng-an eng-kai 2 goe̍h hō tio̍h ài khan-chài, iân-chhiân kàu chit chūn, phian-chhip-sek ài toā-toā hoē sit-lé, phoe-lāi ê chi̍t toāⁿ, “Goán kám-siā Siōng-tè tī koè-khì hō͘ goán ū hūn tī Tâi-oân ē[sic.] thoân-kàu kang-chok, tī kin-ná-ji̍t goán koh-khah hoaⁿ-hí thiaⁿ-tio̍h Tâi-oân kàu-hoē ê chìn-pō͘. Goán Sèng Sîn chiok-hok tī ta̍k-lâng ê sèng-kang, koh ín-chìn lán tuì Sèng-keng siū chí-tō.

Goán sui-jiân nî-kí chin chē, chóng-sī chit ê pēng bô chó͘-gāi goán ê kiān-khong. Goán ji̍t-mê uī-tio̍h Tâi-oân kàu-hoē ê pêng-iú teh kî-tó.”

Lán chin kám-kek jī-uī ko͘-niû án-ni siàu-liām lán. Lán iā khún-kiû Siōng-tè si-un sù-hok tī in ê sin-chiūⁿ,

Jī-uī ko͘-niû ê chū-chí sī an-ni [sic.]

Miss Adair

2275-W, 40 Avenue

Vanco͘ver 13 Canada.

漢羅（Ùi原文改寫）

安姑娘金姑娘的請安

1961年3月867期       22

前佇咱台灣做宣教師的安義理姑娘，金仁理姑娘佇年頭有寫批來予明牧師，teh講起請安佮恭賀新年。這個請安應該2月號著愛刊載，延chhiân到這陣，編輯室愛大大會失禮，批內的一段，「阮感謝上帝佇過去予阮有份佇台灣的傳教工作，佇今ná日阮閣較歡喜聽著台灣教會的進步。阮聖神祝福佇逐人的聖工，閣引進咱對聖經受指導。

阮雖然年紀真濟，總是這個並無阻礙阮的健康。阮日暝為著台灣教會的朋友teh祈禱。」

咱真感激二位姑娘按呢數念咱。咱也懇求上帝施恩賜福佇in的身上，

二位姑娘的住址是按呢

Miss Adair

2275-W， 40 Avenue

Vanco͘ver 13 Canada.