默想

Be̍k-Sióng

文獻資訊

項目	資料
作者	無lo̍h名
卷期	台灣教會公報
卷期	第865期
日期	1961/1
頁數	2

白話字（原文數位化）

Be̍k-sióng

1961年1月 865期       2

Ta̍k lâng só͘ kiâⁿ tek-choē Siōng-tè, chóng-sī Siōng-tè m̄-kam lóng châu-bia̍t kiò Lô-a chō toā chûn, hō͘ i chit ke kap kok chióng ê tōng-bu̍t chi̍t tuì ji̍p toā chûn, beh pó-choân oa̍h-miā……Keng-koè kiaⁿ-hiâⁿ ê toā hō͘, kan-khó͘ ê chûn-lāi seng-oa̍h kú-kú. Chiaⁿ goe̍h it ji̍t Lô-a hian chûn-koà, khoàⁿ chuí í-keng ta……An-sim lah.

Hoê-sióng koè-khì chē-chē kiaⁿ-hiâⁿ, kan-khó͘ ê sū——chiàn-cheng, tē-tāng, chuí-chai——Goān lán chit sî hian jia lán ê koà, lâi khoàⁿ Siōng-tè só͘ kā lán pī-pān ê sin ê nî.

Goān kin-nî sī pêng-an nî, bô kiaⁿ-hiâⁿ,……iā sī goān lán bô koh tek-choē Siōng-tè. Goān chhin-chhiūⁿ Tīⁿ Bo̍k-su tī Siā-lūn só͘ kóng ê, goān chhin-chhiūⁿ Ko Bo̍k-su ê Kî-tó, iū kap sè-kài tâng-sim lâi kî-tó, goān sè-kài ê kng ê Chú Iâ-so͘ ta̍k lâng lóng ē gióng-bōng tio̍h. Goān tāi-ke bêng-pe̍k lán ê Sèng-keng ê pó-poè, gím-bī chit goe̍h-ji̍t ê kim-kù, koh ū chin hó ê ka-têng seng-oa̍h……Goān Chú sù-hok kin-nî ê lō͘-chām.

漢羅（Ùi原文改寫）

默想

1961年1月 865期       2

逐人所行得罪上帝，總是上帝毋甘攏剿滅叫挪亞造大船，予伊這家佮各種的動物一對入大船，欲保全活命……經過驚惶的大雨，艱苦的船內生活久久。正月一日挪亞掀船蓋，看水已經ta……安心lah。

回想過去濟濟驚惶，艱苦的事——戰爭，地動，水災——願咱這時掀遮咱的蓋，來看上帝所共咱備辦的新的年。

願今年是平安年，無驚惶，……也是願咱無擱得罪上帝。願親像鄭牧師佇社論所講的，願親像高牧師的祈禱，又佮世界同心來祈禱，願世界的光的主耶穌逐人攏會仰望著。願大家明白咱的聖經的寶貝，吟味這月日的金句，擱有真好的家庭生活……願主賜福今年的路chām。