偉人ê信仰 (艾森豪總統ê話)

Uí-jîn ê sìn-gióng

文獻資訊

項目	資料
作者	無lo̍h名
卷期	台灣教會報
卷期	第808卷
日期	1956/4
頁數	4

白話字（原文數位化）

1956 nî 4 goe̍h p.4

Uí-jîn ê sìn-gióng

(Ngāi Sim-hô chóng-thóng ê oē )

“Goá ē thang chhut-sì tī chi̍t keng ū chong-kàu sim ê ka-têng, si̍t-chāi sī goá ê te̍k-koân. Goá ê pē-bó lóng sìn “Kèng-uì Iâ-hô-hoa sī tì-sek ê kin-goân.” Sèng-keng lóng ū oa̍h-oa̍h teh éng-hióng in ê ji̍t-siông seng-oa̍h, iā chīn só͘ ē chiong Sèng-keng ê chin-lí kap sìn-gióng koàn-chù tī in 6 ê hāu-seⁿ ê náu-lāi.”

“Jîn-seng ê lō͘-chām sī tn̂g koh e̍h, jî-chhiáⁿ chin-chē guî-hiám. Ta̍k ji̍t lán tio̍h kiû choân-lêng ê Siōng-tè an-pâi, hō͘ lán tī I sèng-chhiú pì-iū ê ē-bīn, thang chiong chū-iû jîn-bîn ê uî-sán láu hō͘ lán ê āu-tāi.”

漢羅（Ùi原文改寫）

偉人ê信仰 (艾森豪總統ê話)

「我會thang出世tī一間有宗教心ê家庭，實在是我ê特權。我ê父母攏信「敬畏耶和華是知識ê 根源.」聖經攏有活活teh 影響in ê日常生活，也盡所會將聖經ê真理kap信仰灌注tī in 6 個後生ê 腦內。」

「人生ê路站是長koh e̍h,而且真濟危險。逐日咱tio̍h求全能ê上帝安排，hō͘咱tī 伊聖手庇佑ê下面，thang將自由人民ê遺產留hō͘咱ê後代。」