水底寮教會三慶
Chuí-té-liâu kàu-hoē sam khèng
文獻資訊
| 項目 | 資料 |
|---|---|
| 作者 | 無lo̍h名 |
| 卷期 | 台灣教會公報 |
| 卷期 | 第792號 |
| 日期 | 1954/12 |
| 頁數 | 16 |
白話字（原文數位化）
Chuí-té-liâu kàu-hoē sam khèng.
- 12, no. 792, pp. 16
Tī 10 goe̍h 25 ji̍t, Tâi-oân kong-ho̍k ê ka-cheh, Chuí-té-liâu kàu-hoē kú-hêng siat-kàu 20 chiu-nî, seng-keh tông-hoē kap tiōng-siu hiàn-tn̂g ê khèng-chiok-hoē. Tit-tio̍h Ko Tiong Gī-tiúⁿ Au Chìn-an Bo̍k-su chú-lé; Hù Gī-tiúⁿ Khu Thian-teng Bo̍k-su iā chhut-se̍k. Gô͘ Sin-hui Sian-siⁿ su-sek, chāi-tē kok-kài jîn-sū kap lîn-iū kàu-hoē ê chham-se̍k, chin sēng-hóng. Te̍k phèng chhòng-siat-chiá Siau Bûn-tek Sian-siⁿ káng-ián kiàn-siat ê keng-koè kap khó͘-sim; N̂g Io̍k-kî Sian-siⁿ kóng khí kàu hiān-chāi ê le̍k-sú, keng-koè kiâm, sng, khó͘, chiáⁿ, kai-chài Siōng-tè koh ho̍k-heng I ê sèng-hoē. Ū cha̍p-goā uī kàu-hoē ê chiok-koa. Te̍k-pia̍t tuì iú-kong-chiá cheng-sàng lé-phín, kàu nn̄g tiám chiah oân. Hip kì-liām siōng, ū chin chheⁿ-chhau ê tiong-si̍t, tāi-ke sim, sin lóng pá-chiok lâi soàⁿ-hoē, chin-chiàⁿ sī sam khèng ê toā cheh. Kám-siā Chú, o-ló Chú. Koh tī 11 goe̍h ū beh khai-sí Pang-liâu ê pò͘-tō-só͘ ê kang-chok.
漢羅（Ùi原文改寫）
水底寮教會三慶。
1954.12，no.792，pp.16
佇10月25日，台灣光復的佳節，水底寮教會舉行設教20週年，升格堂會佮重修獻堂的慶祝會。得著高中議長歐進安牧師主禮；副議長邱天登牧師也出席。吳新輝先生司式，在地各界人士佮鄰右教會的參席，真盛況。特聘創設者蕭文德先生講演建設的經過佮苦心；黃樂祺先生講起到現在的歷史，經過鹹、酸、苦、汫，佳哉上帝閣復興伊的聖會。有十外位教會的祝歌。特別對有功者贈送禮品，到兩點才完。翕記念像，有真chheⁿ-chhau 的中食，大家心，身攏飽足來散會，真正是三慶的大節。感謝主，呵咾主。閣佇11月有欲開始枋寮的佈道所的工作。