六十六卷的聖冊
La̍k-cha̍p-la̍k koàn ê Sèng-chheh
文獻資訊
| 項目 | 資料 |
|---|---|
| 作者 | 許水露 Khó͘ Chuí-lō͘ |
| 卷期 | 台灣教會公報 |
| 卷期 | 第625號 |
| 日期 | 1937/4 |
| 頁數 | 10-11 |
白話字（原文數位化）
La̍k-cha̍p-la̍k koàn ê Sèng-chheh
Khó͘ Chuí-lō͘
1937年4月625期 10-13
(Chiap 1 goe̍h tē 9 bīn)
Tē 6 káng: Tē 5 koàn, Sin-bēng-kì.
I. Pún-su ê tù-chiá=Tù-liáu[sic] tē 34 chiuⁿ, í-goā lóng sī Mô͘-se siá--ê(1:5, 31:9-11; Iok-su-a-kì 1:7, 8:32, 23:6 ; 1 Ông 2:3). (本書之著者=除34章之外皆摩西著).
II. Pún-su tù-chok nî-tāi= B.C. 1460 nî 11 geo̍h (1:3 , 31:24-26) . (本書著作年代=B.C. 1460 nî 11 goe̍h).
III. Pún-su tù-chok tiûⁿ-só͘=Iok-tàn-hô tang(本書著作場所=約伹河東[sic]).
IV. Pún-su ê su-miā(本書的書名). Sin-bēng-kì chiū-sī Mô͘-se ê tē 5 tù-su. Su-miâ ê ì-gī= “Tē-jī lu̍t-hoat “, chiū-sī 39 nî chêng tī Se-nái-soaⁿ só͘ thoân siū ê lu̍t-hoat koh chi̍t piàn sek-bêng. In-uī chhut Ai-ki̍p tī Se-nái-soaⁿ só͘ thoân-siū lu̍t-hoat ê sî, thiaⁿ ū tio̍h ê toā lâng kàu chit-tia̍p chiah tio̍h chiong 40 nî nî chêng só͘ tit-tio̍h ê “lu̍t-hoat” kap 40 nî kan tī khòng-iá phiau-liû só͘ tit Siōng-tè ê in-sù kap kám-sióng, koh chi̍t piàn tuì tī khòng-iá chhut-sì ê bîn-chiòng lâi sek-bêng. Mô͘-se ū hun-chò 8 pái liân-sio̍k káng-ián, jiân-āu kì-lio̍k--ê chiū-sī “Sin-bēng-kì”(1:3, 31:24-26). Kî-kan chiū-sī chhut Ai-ki̍p āu tē 40 nî 11 goe̍h 1 hō-12 goe̍h 1 hō kiōng chi̍t goe̍h ji̍t kú.
V. Pún-su kap Iâ-so͘(本書與耶穌). Chú Iâ-so͘ tī siàu-liân sî-tāi kap chheng-liân sî-tāi choè tē-it ài tha̍k ê chheh, chiū-sī chit pún Sin-bēng-kì. Chú Iâ-so͘ tuì chit pún chheh put-tàn ài tha̍k, I tuì tī chit pún chheh tit-tio̍h 12 hun ê sio̍k-se̍k. Chú Iâ-so͘ bat ín-khí chit pún chheh ê oē 35 pái. Chú Iâ-so͘ siū Mô͘-kuí chhì ê sî, iā ēng chit pún chheh ê oē lâi iâⁿ--in(Má-thài 4:1-11, Lō͘-ka 4:1-13, Sin-bēng-kì 8:3, 6:13, 13,10:20). Kî-thaⁿ chèng Sian-ti iā chin gâu ēng chit pún chheh ê oē(本書乃主耶穌於幼年、少年、青年各時代最好讀之書，彼被惡魔試之時，亦引用本書之聖句而勝之).
VII. Pún-su ê sù-bēng= “Ho̍k-chiông ê chin tōng-ki kap ho̍k-chiông ê pit-iàu”. Pún-su chiū-sī koan-hē choân-pō͘ ho̍k-chiông Siōng-tè ê lūn-bûn-chi̍p. In-uī tuì ho̍k-chiông ê tit-tio̍h oa̍h-miā, chiàm-niá Ka-lâm, thâi-iâⁿ tuì-te̍k……5:29.
1) In-uī in sī Siōng-tè ê peh-sìⁿ(1:3,14:1).
2) In-uī Siōng-tè thiàⁿ--in(4:37, 7:7, 8)
3) In-uī Siōng-tè pó-hō͘--in(4:1, 5:29, 6:2, 3:24).
4) In tio̍h tuì Siōng-tè ê in-huī kap lîn-bín lâi ho̍k-chiông (4:7, 8:33 ; 5:6), (本書的使命= “服從之真動機及服從之必要” 因對服從能得生命, 占領迦南, 勝敵, 繁榮幸福……).
VIII. Pún-su ê hun-toāⁿ(hun chò 3 toāⁿ) (本書之分解=分三段).
Tē 1 toāⁿ= “Hoê-kò͘”(1:1-4:43)(第一段第一講= “回顧”).
-
Sū-lūn(1:1-4:43)(緒論).
-
Tāi-lio̍k kóng-khí Í-sek-lia̍t peh-sìⁿ chhut Ai-ki̍p í-lâi ê le̍k-sú kap hoê-sióng Siōng-tè ê jîn-ài kap kong-gī(1:6-3:29).
1) M̄-sìn ê guî-hiám(1:).
2) Kū-lâng tio̍h phah-sí(2:)
3) Siōng-tè hián-chhut lêng-le̍k kap chû-ài(3:)
- Khoàn-kò Í-sek-lia̍t peh-sìⁿ tio̍h giâm-siú Siōng-tè ê kàu-hùn lâi ho̍k-chiông(4:1-43).
1) Tio̍h giâm-siú Siōng-tè ê lu̍t-hoat.
2) Tio̍h hun-pia̍t chò sèng.
Tē 11 toāⁿ= “Lu̍t-hoat ê sek-bêng” (4:44-26:19).(第二段= “律法的釋明”). Tē 2 káng “Lu̍t-hoat ê ho̍k-siōng”(第二講”律法之復誦”).
-
Sū-lūn (4:44-4:49). Cha̍p-kài ê koan-liām, Mô͘-ap lâng ēng bí-lú lâi iú-he̍k Í-sek-lia̍t peh-sìⁿ kiâⁿ pháiⁿ, só͘-í Í-sek-lia̍t peh-sìⁿ tī Pa-le̍k-pí-ní siū thâi-sí--ê 2400 lâng.
-
Si̍p-kài ê ho̍k-siōng, lu̍t-hoat ê ki-chhó͘(5:-6:)(十誡之復誦,律法之基礎).
1) Hoê-sióng 38 nî chêng, Siōng-tè tī Se-nái-soaⁿ cháiⁿ-iūⁿ thoân-siū Cha̍p-tiâu-kài(5:) (回想三十八年前上帝傳授律十誡).
ài peh-sìⁿ tio̍h: (1) Tio̍h thiaⁿ lu̍t-hoat; (2) Tio̍h ha̍k-si̍p lu̍t-hoat; (3) Tio̍h chun-siú lu̍t-hoat; (4) Chun-hêng lu̍t-hoat.
2) Tio̍h tiōng ka-têng ê chong-kàu kàu-io̍k(6:) (須重家庭之宗教教育).
(1) Tuì Siōng-tè tio̍h chīn-sim, chīn-sèng, chīn-la̍t, chīn-ì thiàⁿ--i.
=ēng sin, sim, lêng thiàⁿ Siōng-tè.
(2) Tuì ka-têng tio̍h choân-ke kèng-uì Chú.
(3) Tio̍h si-hêng ka-têng ê chong-kàu kàu-io̍k lâi kàu-ióng jî-lú.
(4) Tio̍h put-sî tâm-lūn Chú ê thiàⁿ.
Tē 1 kài ê sek-iōng(7:-11:)(第一誡之適用).
1) Thiaⁿ bēng-lēng kap châu-bia̍t tuì-te̍k(7:)(聽命與滅敵): (1) Tio̍h pó-siú sèng-kiat= m̄-thang kap goā-pang lâng óng-lâi(要保持聖潔). (2) Tio̍h pó-siú sìn-gióng = m̄-thang pài ngó͘-siōng(要保持信仰); (3) Tio̍h pó-siú chéng-cho̍k= m̄-thang kap bī-sìn-chiá kiat-hun(要保守種族).
2) Kì-liām Siōng-tè ê kiù-in(8:)(紀念上帝之救恩). 40 nî kú ê khòng-iá seng-oa̍h ū chē-chē chhì-liān, chiū-sī beh chò in ê sìn-gióng thé-giām; thé-giām in ê loán-jio̍k kap Siōng-tè ê kiù-in.
3) M̄-thang kiau-ngō͘(9:) (勿驕傲). Peh-sìⁿ pài gû-á-siōng tì-kàu sí 1000 lâng , in-uī in kiau-ngō͘ khò ka-kī, taⁿ tio̍h khiam-pi.
4) Kiàn-siàu ê kèng-uì(10:)(慚愧之敬畏). Peh-sìⁿ pài gû-á-siōng , tì-kàu Mô͘-se tio̍h 40 mî-ji̍t tī soaⁿ-téng kìm-chia̍h thè in jīn-choē kî-tó, jiân-āu Siōng-tè chiū sià-bián--in.
5) Kiàn-chèng kap pó-siú(11:) (見證與保守). Tio̍h chiong só͘ tit ê in-sù tuì lâng kap kiáⁿ-sun chò kiàn-chèng, tio̍h tāi-tāi siong-thoân éng-oán pó-siú.
- Ki-tok-tô͘ ê sin seng-oa̍h(12:-26:)(基督徒的新生活).
1) Chū-tit ê seng-oa̍h(12:)(自得之生活): (1) M̄-thang suî-piān hiàn-chè; (2) M̄-thang suî-piān lim-chia̍h.
2) Kéng-séng ê seng-oa̍h(13:) (儆醒之生活): (1) Tio̍h tî-hông ké sian-ti: (2) Tio̍h tî-hông Mô͘-kuí ê khuí-kè.
3) Lêng-si̍t ê seng-oa̍h(15:) (靈食之生活): (1) Chia̍h mi̍h ê sî tio̍h siūⁿ-tio̍h Siōng-tè; (2) Chia̍h mi̍h tio̍h ài kéng.
4) Chû-ài ê seng-oa̍h(15:)(慈愛之生活): (1) Muí 7 nî chi̍t pái sià-bián sàn-hiong lâng ê chè-bū;(2) Muí 7 nî tio̍h chiong chhân-mi̍h[sic] ê mi̍h hō͘ chhut-goā lâng thang chia̍h.
5) Chū-hoē ê seng-oa̍h(16:) (聚會之生活).
(1) Poâⁿ-koè-cheh (1 goe̍h 14 hō)= A) Kì-liām oân-choân ê tit-kiù; B) Piáu-bêng Chú siū tèng-sí; C) Iâ-so͘ ê kiù-sio̍k.
(2) Chhit-cha̍p-chhit cheh= (Gō͘-sûn-cheh, tuì Poâⁿ-koè-cheh sǹg-khí tē 50 ji̍t). A) Kì-liām thoân-siū lu̍t-hoat; B) Piáu-bêng Sèng-lêng ê kàng-lîm; C)Tāi-piáu Sèng-lêng ê kang-chok kap hùn-heng.
(3) Tah-liâu-cheh=(7 goe̍h 15 hō). A) Kì-liām Siōng-tè ê chiàu-kò͘; B) Piáu-bêng chhian-liân ông-kok; C) Tāi-piáu Thiⁿ Pē ê kang-cho̍k.
6) Phoàⁿ-toàn ê seng-oa̍h(17:) (判斷之生活): (1) Tio̍h kín-sīn, tio̍h ū khak-si̍t ê chèng-kù; (2) Tio̍h kong-pêng.
7) Siū-kàu ê seng-oa̍h (18:)(受教之生活): (1) Ké Sian-ti ê oē bē èng-giām; (2) Chin Sian-ti ê oē ê oân-chiâⁿ.
8) Lîn-bín ê seng-oa̍h(19:) (憐憫之生活). Siōng-tè lîn-bín lâng ū siat 6 ê tô-siám siâⁿ.
9) Hô-pêng ê seng-oa̍h (20:) (和平之生活) :(1) Boē kiat-hun-ê kap sió-táⁿ-ê, m̄-bián chhut-cheng; (2) Boē soan-chiàn chêng, tio̍h seng kap tuì-te̍k hô; (3) Nā it-chhè kau-chiàn tio̍h châu-bia̍t kàu lī.
10) Kong-gī ê seng-oa̍h (21:) (公義之生活). Tio̍h uī-tio̍h sí-lâng sin-oan.
11) Kèng-uì ê seng-oa̍h (22:)(敬畏之生活): Kèng-uì Siōng-tè , Siōng-tè tek-khak kap lí tī-teh; (2) Nā ū khoàⁿ-kìⁿ pa̍t lâng ê gû-iûⁿ sit-bê, tio̍h khan hêng--i.
12) Sèng-pia̍t ê seng-oa̍h(23:) (聖別之生活): (1) Tio̍h séng-chhat chū-kí; (2) M̄-thang tham lâng ê hū-lú; (3) M̄-thang pàng tāng-lī.
13) Thiàⁿ-sim ê seng-oa̍h(24:) (愛心之生活): (1) Sin-hun-āu m̄-thang chhut-cheng; (2) M̄-thang bē hiaⁿ-tī chò lô͘-châi; (3) M̄-thang khi-hū kan-khó͘ lâng.
14) Thé-sut ê seng-oa̍h(25:) (体恤之生活): (1) Hêng-hoa̍t lâng m̄-thang koè tāng; (2) Bé-bē tio̍h kong-tō.
15) Kám-in ê seng-oa̍h(26:) (感恩的生活): (1) Thâu chuí se̍k ê mi̍h tio̍h hiàn hō͘ Siōng-tè; (2) Tio̍h kì-liām Siōng-tè ê kiù-in kap tī khòng-iá ê khoàⁿ-kò͘.
Tē III toāⁿ “Khè-iok ê keng-sin”(27:-34:)(第段契 “約之更新”).
第三講 “警告”(27:1-28:68).
- Bēng-lēng kap chiù-chó͘(27:).
1) La̍k chi-phài=Chú-hū só͘ siⁿ--ê, (Lī-a kap Lia̍p-kiat só͘ siⁿ--ê), khiā tī Ki-lí-sim soaⁿ(chiok-hok soaⁿ).
2) La̍k chi-phài= Lú-pī só͘ siⁿ--ê, khiā tī Í-pa-lō͘-soaⁿ (chiù-chó͘-soaⁿ).
(1) Thiaⁿ Siōng-tè ê oē ê lâng ū hok-khì; (2) Beh kàu Siōng-tè só͘ siúⁿ-sù ê tē; (3) Beh chheng chò Siōng-tè ê chú-bîn.
- Lu̍t-hoat kap hō-hok(28:)(律法與禍福).
1) Chun-siú Siōng-tè ê lu̍t-hoat ê lâng ū hok-khì; (1) Kò-jîn ; (2) Ka-têng; (3) Siā-hoē; (4) Kok-ka lóng ū ho̍k-khì.
2) M̄ chun-siú ê lâng ū chai-ē: (1) Ki-hng. (2) Un-e̍k. (3) Peng-chai.
第四講 “巴利斯聽之契約”(29:-30:).
Tī Sèng-chheh tiong lóng-kiōng ū 8 ê toā-iok.
1) Ai-tiân ê khè-iok(伊甸之契約)= èng-ún lâng beh koán bān-mi̍h.
2) A-tong ê khè-iok(亞當之契約)=èng-ún beh tuì hū-jîn-lâng ê hō͘-è chhut Kiù-chú.
3) Ná-a ê khè-iok(拿亞之契約)= èng-ún bô beh koh ēng toā-chuí bia̍t-bô sè-kài.
4) A-pek-lia̍p-hán ê khè-iok(亞伯拉罕之契約)=èng-ún thiⁿ-ē bān lâng beh tuì i ê hō͘-è tit-tio̍h hok-khì.
5) Mô͘-se ê khè-iok(摩西之契約)=Se-niá-soaⁿ thoân-siū lu̍t-hoat.
6) Tāi-pi̍t ê khè-iok(大衛之契約)= Beh tuì iê hō͘-è chhut ê chín-kiù ê .
7) Pa-le̍k-su-thèng ê khè-iok(巴利斯聽之契約)= Só͘ èng-ún ê Ka-lâm tē, beh tit-tio̍h Ni kap Bi̍t.
8) Sin-iok(新約)=Sìn-sim ê khè-iok.
第五講 “勸告”(31:1-23). Mô͘-se choè-āu ê khoàn-kò.
1) Tuì Í-sek-lia̍t peh-sìⁿ ê khoàn-kò(1-6).
2) Tuì Iok-su-a ê khoàn-kò(7-8).
3) Tuì chè-si ê khoàn-kò(9-15)
4) Iâ-hô-hoa ê kéng-kò(16-23).
第六講 “訓戒”(31:24-29). uī-tio̍h beh pó-chûn Sin-bēng-kì ê koan-hē, te̍k-pia̍t tuì Lī-bī lâng ê hùn-jū.
第七講 “預言的詩歌” (31:30-32:52). iā thang kóng Mô͘-se ê uî-giân kap ai-ko.
1) Mô͘-se hióng-siū 120 hoè, chai chū-kí bē tit ji̍p Ka-lâm tē; chóng-sī i ū ke̍k-le̍k an-uì I ê peh-sìⁿ m̄-bián kiaⁿ, tio̍h chìn-chêng ji̍p Ka-lâm . (1) Kài-siāu Iok-su-a . (2) Mô͘-se chiong lu̍t-hoat ê chheh kau hō͘ chè-si. (3) Mô͘-se chò Ai-ko lūn Í-sek-lia̍t ê chiong-lâi.
2) Ai-ko ê loē-iông(32:).
(1) Í-sek-lia̍t peh-sìⁿ bông-in poē-gī.
(2) Chú ê thiàⁿ chhin-chhiūⁿ eng.
(3) Peh-sìⁿ bē kì-tit Chú siū-lia̍h kàu goā-pang.
(4) Tú-tio̍h hoān-lān.
(5) āu-lâi beh koh tò-lâi.
第八講 “預言之祝福”(33:). Mô͘-se uī-tio̍h 12 chi-phài lâi chiok-hok. Siōng-tè ēng 4 ê hoat-tō͘ kà-sī I ê peh-sìⁿ.
(1) ēng lu̍t-hoat khek tī chio̍h-pi.
(2) Li̍p Pa-le̍k-su-thèng ê iok.
(3) Chò Ai-ko.
(4) ēng chiok-hok.
Che bô m̄-sī hi-bōng I ê peh-sìⁿ teh-teh chiong lu̍t-hoat khek tī sim-ni̍h, thoân kàu tī āu-sè éng-oán chun-siú.
結論 “摩西之死”(34:).
(1) Siōng-tè chhoā Mô͘-se kàu Nî-phò soaⁿ(1-7)
(2) Siōng-tè chiong it-chhè hō͘ i phò soaⁿ(1-7).
(3) Mô͘-se hióng-siū 120 hoè , 12 goe̍h 1 hō chiūⁿ Nî-phò-soaⁿ bô koh lo̍h-lâi(1-7).
(4) Peh-sìⁿ uī-tio̍h Mô͘-se thî-khàu 30 ji̍t kú(8 chat).
(5) Iok-su-a soà-chiap i ê chit(9 chat).
(6) Chheng-chàn Mô͘-se (1-12).
●Tē 34 chiuⁿ sī āu-lâi Iok-su-a, á-sī Sat-bó-ní, Í-sū-lat kā i kì chham lo̍h-khì--ê. (Thāi-sio̍k)
漢羅（Ùi原文改寫）
六十六卷的聖冊
許水露
1937年4月625期 10-13
(接1月第9面)
第6講：第5卷，申命記。
I. 本書的著者=除了第34章，以外攏是摩西寫--的(1：5，31：9-11；約書亞記1：7，8：32，23：6 ；1王2：3)。(本書之著者=除34章之外皆摩西著)。
II. 本書著作年-tāi= B。C。1460年11 geo̍h (1：3 ，31：24-26) 。(本書著作年代=B。C。1460年11月)。
III. 本書著作場所=約旦河東(本書著作場所=約伹河東[sic])。
IV. 本書的書名(本書的書名)。申命記就是摩西的第5著書。書名的意義= 「第二律法」，就是39年前佇西奈山所傳受的律法閣一遍釋明。因為出埃及佇西奈山所傳授律法的時，聽有著的大人到這霎才著將40年年前所得著的「律法」佮40年間佇曠野漂流所得上帝的恩賜佮感想，閣一遍對佇曠野出世的民眾來釋明。摩西有分做8擺連續講演，然後記錄--的就是「申命記」(1：3，31：24-26)。期-間就是出埃及後第40年11月1號-12月1號共一月日久。
V. 本書佮耶穌(本書與耶穌)。主耶穌佇少年時代佮青年時代最第一愛讀的冊，就是這本申命記。主耶穌對這本冊不但愛讀，伊對佇這本冊得著12分的熟熟。主耶穌捌引起這本冊的話35擺。主耶穌受魔鬼試的時，也用這本冊的話來贏--in(馬太4：1-11，路加4：1-13，申命記8：3，6：13，13，10：20)。其他眾先知也真gâu用這本冊的話(本書乃主耶穌於幼年、少年、青年各時代最好讀之書，彼被惡魔試之時，亦引用本書之聖句而勝之)。
VII. 本書的使命= 「服從的真動機佮服從的必要」。本書就是關係全部服從上帝的論文集。因為對服從的得著活命，佔領迦南，刣贏對敵……5：29。
1)因為in是上帝的百姓(1：3，14：1)。
2)因為上帝疼--in(4：37，7：7，8)
3)因為上帝保護--in(4：1，5：29，6：2，3：24)。
4) In著對上帝的恩惠佮憐憫來服從(4：7，8：33 ；5：6)，(本書的使命= 「服從之真動機及服從之必要」因對服從能得生命，占領迦南，勝敵，繁榮幸福……)。
VIII. 本書的分段(分做3段) (本書之分解=分三段)。
第1段= 「回顧」(1：1-4：43)(第一段第一講=「回顧」)。
-
緒論(1：1-4：43)(緒論)。
-
大略講起以色列百姓出埃及以來的歷史佮回想上帝的仁愛佮公義(1：6-3：29)。
1)毋信的危險(1：)。
2)舊人著拍死(2：)
3)上帝顯出能力佮慈愛(3：)
- 勸告以色列百姓著嚴守上帝的教訓來服從(4：1-43)。
1)著嚴守上帝的律法。
2)著分別做聖。
第11段=「律法的釋明」 (4：44-26：19)。(第二段=「律法的釋明」)。第2講「律法的復誦」(第二講「律法之復誦」)。
-
序論(4：44-4：49)。十誡的觀念，摩押人用美女來誘惑以色列百姓行歹，所以以色列百姓佇Pa-le̍k-pí-ní受刣死--的2400人。
-
十誡的復誦，律法的基礎(5：-6：)(十誡之復誦，律法之基礎)。
1)回想38年前，上帝佇西奈山怎樣傳授十條誡(5：) (回想三十八年前上帝傳授律十誡)。
愛百姓著：(1)著聽律法；(2)著學習律法；(3)著遵守律法；(4)遵行律法。
2)著重家庭的宗教教育(6：) (須重家庭之宗教教育)。
(1)對上帝著盡心，盡性，盡力，盡意疼--伊。
=用身，心，靈疼上帝。
(2)對家庭著全家敬畏主。
(3)著施行家庭的宗教教育來教養兒女。
(4)著不時談論主的疼。
第1誡的適用(7：-11：)(第一誡之適用)。
1)聽命令佮剿滅對敵(7：)(聽命與滅敵)：(1)著保守聖潔=毋通佮外邦人往來(要保持聖潔)。(2)著保守信仰=毋通拜偶像(要保持信仰)；(3)著保守種族=毋通佮未信者結婚(要保守種族)。
2)記念上帝的救恩(8：)(紀念上帝之救恩)。40年久的曠野生活有濟濟試煉，就是欲做in的信仰體驗；體驗in的軟弱佮上帝的救恩。
3)毋通驕傲(9：) (勿驕傲)。百姓拜牛仔像致到死1000人，因為in驕傲靠家己，taⁿ著謙卑。
4)見笑的敬畏(10：)(慚愧之敬畏)。百姓拜牛仔像，致到摩西著40暝日佇山頂禁食替in認罪祈禱，然後上帝就赦免--in。
5)見證佮保守(11：) (見證與保守)。著將所得的恩賜對人佮囝孫做見證，著代代相傳永遠保守。
- 基督徒的新生活(12：-26：)(基督徒的新生活)。
1)自得的生活(12：)(自得之生活)：(1)毋通隨便獻祭；(2)毋通隨便啉食。
2)警醒的生活(13：) (儆醒之生活)：(1)著持防假先知：(2)著持防魔鬼的詭計。
3)靈食的生活(15：) (靈食之生活)：(1)食物的時著想著上帝；(2)食物著愛揀。
4)慈愛的生活(15：)(慈愛之生活)：(1)每7年一擺赦免散凶人的債務；(2)每7年著將田裡的物予出外人通食。
5)聚會的生活(16：) (聚會之生活)。
(1)盤過節 (1月14號)= A)記念完全的得救；B)表明主受釘死；C)耶穌的救贖。
(2) 七十七節= (五旬節，對盤過節算起第50日)。A)記念傳授律法；B)表明聖靈的降臨；C)代表聖靈的工作佮奮興。
(3) 搭寮節=(7月15號)。A)記念上帝的照顧；B)表明千年王國；C)代表天爸的工-族。
6)判斷的生活(17：) (判斷之生活)：(1)著謹慎，著有確實的證據；(2)著公平。
7)受教的生活(18：)(受教之生活)：(1) 假先知的話袂應驗；(2)真先知的話的完成。
8)憐憫的生活(19：) (憐憫之生活)。上帝憐憫人有設6个逃閃城。
9)和平的生活(20：) (和平之生活) ：(1)未結婚的佮小膽的，毋免出征；(2)未宣戰前，著先佮對敵和；(3)若一切交戰著剿滅到離。
10)公義的生活(21：) (公義之生活)。著為著死人申冤。
11)敬畏的生活(22：)(敬畏之生活)：敬畏上帝，上帝的確佮你佇咧；(2)若有看見別人的牛羊失迷，著牽還--伊。
12)聖別的生活(23：) (聖別之生活)：(1)著省察自己；(2)毋通貪人的婦女；(3)毋通放重利。
13)疼心的生活(24：) (愛心之生活)：(1) 新婚後毋通出征；(2)毋通賣兄弟做奴才；(3)毋通欺負艱苦人。
14)體恤的生活(25：) (体恤之生活)：(1)刑罰人毋通過重；(2)買賣著公道。
15) 感恩的生活(26：) (感恩的生活)：(1)頭水熟的物著獻予上帝；(2)著記念上帝的救恩佮佇曠野的看顧。
第III段「契約的更新」(27：-34：)(第段契 「約之更新」)。
第三講 「警告」(27：1-28：68)。
- 命令佮咒詛(27：)。
1) 六支派=主婦所生--的，(利亞佮拉結所生--的)，徛佇基利心山(祝福山)。
2) 六支派=女婢所生--的，徛佇以巴路山(咒詛山)。
(1)聽上帝的話的人有福氣；(2)欲到上帝所賞賜的地；(3)欲稱做上帝的子民。
- 律法佮禍福(28：)(律法與禍福)。
1)遵守上帝的律法的人有福氣；(1)個人；(2)家庭；(3)社會；(4)國家攏有ho̍k-去。
2)毋遵守的人有災厄：(1)飢荒。(2)瘟疫。(3) 兵災。
第四講 「巴利斯聽之契約」(29：-30：)。
佇聖冊中攏共有8个大約。
1)伊甸的契約(伊甸之契約)=應允人欲管萬物。
2)亞當的契約(亞當之契約)=應允欲對婦人人的後裔出救主。
3)挪亞的契約(拿亞之契約)=應允無欲閣用大水滅無世界。
4)亞伯拉罕的契約(亞伯拉罕之契約)=應允天下萬人欲對伊的後裔得著福氣。
5)摩西的契約(摩西之契約)=Se-niá山傳授律法。
6)大衛的契約(大衛之契約)=欲對伊的後裔出的拯救的。
7) Pa-le̍k-su-thèng的契約(巴利斯聽之契約)=所應允的迦南地，欲得著奶佮蜜。
8)新約(新約)=信心的契約。
第五講 「勸告」(31：1-23)。摩西最後的勸告。
1)對以色列百姓的勸告(1-6)。
2)對約書亞的勸告(7-8)。
3)對祭司的勸告(9-15)
4)耶和華的警告(16-23)。
第六講 「訓戒」(31：24-29)。為著欲保存申命記的關係，特別對利未人的訓喻。
第七講 「預言的詩歌」(31：30-32：52)。也通講摩西遺言佮哀歌。
1)摩西享受120歲，知自己袂得入迦南地；總是伊有極力安慰伊的百姓毋免驚，著進前入迦南。(1)介紹約書亞。(2)摩西將律法的冊交予祭司。(3)摩西做哀歌論以色列的將來。
2)哀歌的內容(32：)。
(1)以色列百姓忘恩背義。
(2)主的疼親像鷹。
(3)百姓袂記得主受掠到外邦。
(4)拄著患難。
(5)後來欲閣倒來。
第八講 「預言之祝福」(33：)。摩西為著12支派來祝福。上帝用4个法度教示伊的百姓。
(1)用律法刻佇石碑。
(2)立Pa-le̍k-su-thèng的約。
(3)做哀歌。
(4)用祝福。
這無毋是希望伊的百姓teh-teh將律法刻佇心裡，傳教佇後世永遠遵守。
結論 「摩西之死」(34：)。
(1)上帝chhoā摩西到Nî-phò山(1-7)
(2)上帝將一切予伊phò山(1-7)。
(3)摩西享受120 hoè ，12月1號上Nî-phò山無閣落來(1-7)。
(4)百姓為著摩西啼哭30日久(8節)。
(5)約書亞紲接伊的職(9節)。
(6)稱讚摩西(1-12)。
●第34章是後來約書亞，抑是撒毋耳，Í-sū-lat共伊記摻落去--的。(待續)