英台俗語
Eng Tâi Sio̍k-gú
文獻資訊
| 項目 | 資料 |
|---|---|
| 作者 | 無lo̍h名 |
| 卷期 | 台灣教會公報 |
| 卷期 | 第597卷 |
| 日期 | 1934/12 |
| 頁數 | 9-10 |
白話字（原文數位化）
Eng Tâi Sio̍k-gú
- 12, no. 597, pp. 9-10
Where there is will, there is way: (Ì-sù sī, nā ū chì-khì chiū ū lō͘). Iú-chì--chiá sū kéng sêng. Ū sim phah chio̍h, chio̍h chiâⁿ chhng.
Pride is the bane of happiness: (Ì-sù sī, phòng-hong sī hēng-hok ê to̍k). Boán chiau sún.
Necessity is the mother of invention: (Ì-sù sī, khiàm-khoeh sī hoat-bêng ê lāu-bó). Kiông chek piàn, piàn chek thong.
Employment is the salt of life: (Ì-sù sī, ū khang-khoè thang chò sī oa̍h-miā ê iâm). Iú hêng-sán, iú hêng-sim.
A goody apple is often rotten at the core: (Ì-sù sī, hó-khoàⁿ-thâu ê pêng-kó siông-siông chhàu hu̍t). Hó-khoàⁿ m̄ hó chia̍h.
Idle yo͘ng men make needy old ones: (Ì-sù sī, pîn-toāⁿ ê chheng-liân, ē pìⁿ-chò khiàm-khoeh ê lāu-lâng). Chit kù, goá kā i hoan-e̍k chò Siàu-liân m̄ phah-piàⁿ, kàu lāu chiū chai thiàⁿ.
Rome was not built in a day: (Ì-sù sī, Lô-má siâⁿ m̄-sī chi̍t-ji̍t chiū khí ē chiâⁿ). Tāi-khì boán-sêng.
Vice brings its own punishment: (Ì-sù sī, pháiⁿ ē chhoā i chú-kí ê hêng-hoa̍t lâi). Chū chok-gia̍t, put-khó hoa̍t.
Habit is second nature: (Si̍p-koàn sī tē-jī ê thian-sèng). Si̍p-koàn sêng chū-jiân.
Two of a grade can never agree: (Siāng chi̍t hāng seng-lí oh-tit tâng-sim). Ha̍p--jī chin oh siá.
Too many cooks spoil the broth: (Ì-sù sī, siuⁿ chē ê tû-pâng soà phah-pháiⁿ chu-bī). Chhin-chhiūⁿ sio̍k-gú kóng, Chē gû ta̍h bô pùn.
Straws show which way the wind blows: (Ì-sù sī, khoàⁿ be̍h-kó teh khi, chiū chai hong tuì tó-chi̍t-pêng teh chhoe). Gô͘-tông it ia̍p lo̍k, thian-hā ti chhiu.
Spare the rod and spoil the child: (Ì-sù sī, nā sioh-tio̍h tek-poe, m̄-ài phah gín-á, chiū ē hāi-tio̍h gín-á). Thiàⁿ kut bô thiàⁿ phoê, thiàⁿ kiáⁿ m̄ thang sioh chhoê.
To sell the bear’s skin before teh bear has been co͘ght: (Ì-sù sī, iáu-boē lia̍h-tio̍h hîm, chiū tāi-seng iok beh bē lâng hîm ê phoê). Boē seⁿ kiáⁿ, seng hō͘ miâ.
The first stroke is half the battle: (Ì-sù sī, thâu-chi̍t-ē hē-chhiú, chiū-sī í-keng kau-chiàn chi̍t-poàⁿ). Sian hā-chhiú uî kiông.
Pride will have a fall: (Ì-sù sī phòng-hong ê lâng ē poa̍h-tó). Kiau pit pāi.
Nothing venture, nothing win: Ì-sù sī, nā bô hó-táⁿ chiū bē iâⁿ. Put ji̍p hó͘ hia̍t, ian tek hó͘-chú.
A nine days wonder: (Ì-sù sī, hi-hán ê sū chiah ū káu ji̍t kú nā-tiāⁿ). Hoa bû pek-ji̍t hông, jîn bû chhian-ji̍t ho͘N2.
Misfortunes never come singly: (Ì-sù sī, put-hēng ê sū m̄-bat ko͘-toaⁿ chi̍t-ê lâi). Hok bû siang chì, hō put tan hêng.
Love me love my dog: (Ì-sù sī, thiàⁿ goá liân goá ê káu soà thiàⁿ). ài ok ki̍p o͘.
Like father like son: (Ì-sù sī, kiáⁿ kap lāu-pē sio-siāng). Sī hū sī chú.
Lightly come, lightly go: (Ì-sù sī, khoài ji̍p chiū khoài chhut). Poē ji̍p poē chhut.
While there’s life there’s hope: (Ì-sù sī, nā ū oa̍h-miā chiū ū hi-bōng). Chi̍t ki chháu, chi̍t tiám lō͘.
Laugh and grow fat: (Ì-sù sī, chhiò ē puî). Sim chheng chek sī hu̍t.
To kill two birds with one stone: (Ì-sù sī, chi̍t lia̍p chio̍h-thâu phah-tio̍h nn̄g chiah chiáu). It kú lióng tek.
Hunger is the best sause: (Ì-sù sī, pak-tó͘ iau sī tē-it hó ê mi̍h-phoè). Hoán-bīn lâi kóng, sī, Hó-mi̍h m̄ tèng pá lâng chia̍h.
Homer sometimes nods: (Ì-sù sī, kó͘-chá Hi-lia̍p ê si-jîn Homer iā ē tuh-ku). Sian--lâng phah kó͘ ū sî chhò.
Whom the gods love die yo͘ng: (Ì-sù sī, kuí-sîn só͘ thiàⁿ--ê khah tè hoè-siū). Châi-jîn po̍k-bēng.
Blood is thicker than water. (Chiàu jī ké-sioh sī, hoeh pí chuí khah lông; í-sù sī, beh lâi pí-phēng tio̍h pa̍t-lâng, khah kóng iā tio̍h ka-kī ê chhin-lâng siāng hoeh-me̍h ê khah hó). Phah-hó͘ lia̍h-chha̍t iā tio̍h chhin-hiaⁿ-tī.
As one bakes so one may brew. As one brew so bake. As one brew so drink. (Chit saⁿ kù sio̍k-gú lóng sī teh kóng, chhin-chhiūⁿ Sèng-keng só͘ kóng, chiàu lí só͘ chèng khì siu-sêng ê ì-sù). Chhut--hô͘ ní, hoán--hô͘ ní.
O͘t of debt o͘t of danger: (Ì-sù sī, nā thoat-lī khiàm-chè, chiū thoat-lī guî-hiám). Hêng liáu chè, khí liáu ke.
漢羅（Ùi原文改寫）
英台俗語
1934.12，no.597，pp.9-10
Where there is will，there is way：(意思是，若有志氣就有路)。有志--者事竟成。有心拍石，石成穿。
Pride is the bane of happiness：(意思是，膨風是幸福的毒)。滿招損。
Necessity is the mother of invention：(意思是，欠缺是發明的老母)。窮則變，變則通。
Employment is the salt of life：(意思是，有工課通做是活命的鹽)。有恆產，有恆心。
A goody apple is often rotten at the core：(意思是，好看頭的pêng果常常臭核)。好看毋好食。
Idle yo͘ng men make needy old ones：(意思是，貧惰的青年，會變做欠缺的老人)。這句，我共伊翻譯做少年毋拍拚，到老就知疼。
Rome was not built in a day：(意思是，羅馬城毋是一日就起會成)。大器晚成。
Vice brings its own punishment：(意思是，歹會chhoā伊自己的刑罰來)。自作孽，不可活。
Habit is second nature：(習慣是第二的天性)。習慣成自然。
Two of a grade can never agree：(像一項生理僫得同心)。合字真僫寫。
Too many cooks spoil the broth：(意思是，傷濟的廚房紲拍歹滋味)。親像俗語講，濟牛踏無糞。
Straws show which way the wind blows：(意思是，看麥稿咧敧，就知風對佗一爿咧吹)。梧桐一葉落，天下知秋。
Spare the rod and spoil the child：(意思是，若惜著竹桮，毋愛拍囝仔，就會害著囝仔)。疼骨無疼皮，疼囝毋通惜箠。
To sell the bear’s skin before the bear has been co͘ght：(意思是，猶未掠著熊，就代先約欲賣人熊的皮)。袂生囝，先號名。
The first stroke is half the battle：(意思是，頭一下下手，就是已經交戰一半)。先下手為強。
Pride will have a fall：(意思是膨風的人會跋倒)。驕必敗。
Nothing venture，nothing win：意思是，若無好膽就袂贏。不入虎穴，焉得虎子。
A nine days wonder：(意思是，稀罕的事才有九日久若定)。花無百日紅，人無千日好。
Misfortunes never come singly：(意思是，不幸的事毋捌孤單一个來)。福無雙至，禍不單行。
Love me love my dog：(意思是，疼我連我的狗紲疼)。愛屋及烏。
Like father like son：(意思是，囝佮老爸相像)。是父是子。
Lightly come，lightly go：(意思是，快入就快出)。倍入倍出。
While there’s life there’s hope：(意思是，若有活命就有希望)。一枝草，一點露。
Laugh and grow fat：(意思是，笑會肥)。心清則是佛。
To kill two birds with one stone：(意思是，一粒石頭拍著兩隻鳥)。一舉兩得。
Hunger is the best sause：(意思是，腹肚枵是第一好的物配)。反面來講，是，好物毋tèng飽人食。
Homer sometimes nods：(意思是，古早希臘的詩人Homer也會盹龜)。仙人拍鼓有時錯。
Whom the gods love die yo͘ng：(意思是，鬼神所疼--的較短歲壽)。才人薄幸。
Blood is thicker than water。(照字解說是，血比水較濃；意思是，欲來比並著別人，較講也著家己的親人像血脈的較好)。拍虎掠賊也著親兄弟。
As one bakes so one may brew。As one brew so bake。As one brew so drink。(這三句俗語攏是咧講，親像聖經所講，照你所種去收成的意思)。出--hô͘ ní，反--hô͘ ní。
O͘t of debt o͘t of danger：(意思是，若脫離欠債，就脫離危險)。還了債，起了家。