慈善會

Chû-siān-hoē

文獻資訊

項目	資料
作者	王倚 Ông oá
卷期	台灣教會公報
卷期	第592卷
日期	1934/7
頁數	19

白話字（原文數位化）

Chû-siān-hoē

(Ông oá)

1. 7, no. 592, pp. 19

Tì-ì, chhiáⁿ Lia̍t-uī thiàⁿ Chú ê hiaⁿ-ché lâi khoàⁿ, thang chai lán kin-nî tio̍h àn-choáⁿ chhut-la̍t hiàn-kim ê sū.

Chiàu Châi-bū-pō͘ só͘ ū-sǹg--ê, pâi-lia̍t hō͘ tāi-ke chò chham-khó.

1. Kin-nî khiàm khah-chē chîⁿ: In-uī kin-nî lán Tiong-hoē lāi , ke saⁿ ê sian-siⁿ, chiū-sī Giâm-chêng, Ē-poàⁿ-thiⁿ, Toā-nâ. Chit saⁿ uī, in só͘ chhut ê í-goā, tio̍h koh thiap 770 goā kho͘. Koh ū kuí-nā keng kàu-hoē kin-nî tò-thè kiám chhut; chiū-sī Gû-taⁿ-oan, Tang-āu-liâu, Koè-kau, Hó͘-boé, Thô͘-khò͘ chí 5 uī, kiám-chhut iok 240 kho͘; nn̄g tiâu kiōng, tio̍h ke khai chi̍t chheng kho͘.

Taⁿ chit chheng kho͘ beh tuì toh-uī lâi tit-tio̍h? Taⁿ lâi kóng choân-pō͘ só͘-khiàm--ê; kin-nî lán choân-pō͘ só͘ khiàm--ê, sī saⁿ chheng kho͘.

1. Pó͘-chō͘ kim: Pun khah lím nn̄g-chheng nn̄g-pah kho͘.

2. Lîm-sî kiù-kip hiàn-kim: Tī 8 goe̍h 12 hō beh si-hêng. ǹg-bāng thang tit-tio̍h saⁿ pah kho͘.

3. Chû-siān-hoē: Beh ke khui chi̍t tiâu sin lō͘, chiu sī ke tuì Chú-ji̍t-o̍h seng-tô͘ tê, khoàⁿ sī beh lîm-sî tê, á-sī beh chiong in nî-tiong ê hiàn-kim, the̍h kuí hun lâi hiàn lóng hó.

Koh chi̍t hāng, ài toā lâng gín-ná tê khah chiâu-tio̍h, hō͘ kìⁿ-nā chò sìn-chiá--ê, ta̍k lâng lóng ū hūn chit hāng Chû-siān hiān-kim; ū-ê thang hiàn kuí cha̍p kho͘, bô-ê thang hiàn kuì chiam chîⁿ. Kin-nî Chû-siān-hoē, tio̍h ke tê ū saⁿ pah kho͘ chiahbē khùn-lân. Só͘-í ài chhiáⁿ hiaⁿ-tī chi-moē, chū-hoat-tek lâi hiàn khah ū hok-khì; in-uī goá bē-tit kàu lín ta̍k kháu-chàu kìⁿ-tio̍h ún ta̍k lâng ê bīn, nā chiap bô tio̍h ê lâng, chhiáⁿ lín tuì lín ê sian-siⁿ sin-ji̍p-ài chhut loā-chē, beh kau ê sî, chiàu lín ê lī-piān thang kau lín ê sian-siⁿ, á-sī Tióng-chip.

Kū-nî chóng siu sī Y822 38; koh chi̍t tiâu Y70.27, ha̍p-kiōng Y892.65. Kin-nî ū-sǹg beh tê chheng-jī kho͘ àn-sǹg tī 7 goe̍h kan, ē chhut-khì tê. Chhiáⁿ tāi-ke tàu kha-chhiú, chiū-sī.

漢羅（Ùi原文改寫）

慈善會

(王倚)

1934.7，no.592，pp.19

致意，請列位疼主的兄姊來看，通知咱今年著按怎出力獻金的事。

照財務部所有算--的，排列予大家做參考。

1. 今年欠較濟錢：因為今年咱中會內，加三个先生，就是Giâm-chêng，Ē-poàⁿ-thiⁿ，大林。這三位，in所出的以外，著閣貼770外箍。閣有幾若間教會今年倒退減出；就是Gû-taⁿ-oan，Tang-āu-liâu，Koè-kau，虎尾，土庫chí 5位，減出約240箍；兩條共，著加開一千箍。

今這千箍欲對佗位來得著？今來講全部所欠--的；今年咱全部所欠--的，是三千箍。

1. 補助金：分較臨兩千兩百箍。

2. 臨時救急獻金：佇8月12號欲施行。向望通得著三百箍。

3. 慈善會：欲加開一條新路，就是加對主日學生徒題，看是欲臨時題，抑是欲將in年中的獻金，提幾分來獻攏好。

閣一項，愛大人囡仔題較齊著，予見若做信者--的，逐人攏有份這項慈善獻金；有的通獻幾十箍，無的通獻幾chiam錢。今年慈善會，著加題有三百箍才袂困難。所以愛請兄弟姊妹，自發的來獻較有福氣；因為我袂得到恁逐口灶見著恁逐人的面，若接無著的人，請恁對恁的先生薪入愛出偌濟，欲交的時，照恁的利便通交恁的先生，抑是長執。

舊年總收是Y822 38；閣一條Y70.27，合共Y892.65。今年有算欲題千二箍按算佇7月間，會出去題。請大家鬥跤手，就是。