郭牧師娘

Koeh Bo̍k-su-niû

文獻資訊

項目	資料
作者	楊世註 Iûⁿ Sè-chù
卷期	台灣教會公報
卷期	第591卷
日期	1934/6
頁數	13

白話字（原文數位化）

Koeh Bo̍k-su-niû

Iûⁿ Sè-chù

1934.06, no. 591, pp. 13-14

Koeh Bo̍k-su-niû, siau--sī Gān. Sán-āu-jia̍t 10 ji̍t kú. Jī goe̍h 19 ji̍t ē-po͘ koè-sin, hióng-siū 43 hoè. uî-hā 5 ê hāu-seⁿ, 5 ê cha-bó͘-kiáⁿ.

Tuì sè-hàn ū ji̍p kàu-hoē ê Sió-o̍h. āu-lâi koh ji̍p Tâi-lâm Tiúⁿ-ló-kàu Lú-o̍h chut-gia̍p; sêng-chek iu-liông. Tī 19 hoè kè Koeh Taiû-sêng Bo̍k-su, thoân-kàu 24 nî. Kàu ta̍k só͘-chāi sìn-chiá hoan-gêng, hō͘-thāi. Nā-sī i tuì sìn-chiá, bô kheng pîn, tiōng hù. Tuì hoē-goā ê lâng un-jiû, hô-pêng. Tuì ka-têng kham chheng hiân-chhe liông-bó, khek khîn, khek khiām; gâu tī-lí ka-bū.

Koeh Bo̍k-su ia̍h sī chin hó khoán-thāi i, lóng m̄-bat chi̍t ki tek-á kàu tī Bo̍k-su-niû ê sin-khu, m̄-bat chi̍t po͘ bô kóng-oē. I ê kiáⁿ-jī ia̍h sī iú-hàu, só͘-í in ê ka-têng ná chún thian-tông ê khoài-lo̍k, hô-pêng, saⁿ-thiàⁿ.

In só͘ toà ê kàu-hoē, chiū-sī Tek-san, Kong-san, Oân-lîm, Po͘-lí, Chiang-hoà, Hô-bí, Lo̍k-káng, Tàu-lo̍k, Chháu-tun.

Saⁿ goe̍h 20 hō ē-po͘ 3 tiám chhut-chòng. Tiong-hoē phài Lí Tō-seng chò tāi-piáu. iáu ū bo̍k-su, thoân-tō-su kuí-nā lâng, kap keh-piah kàu-hoē ê tióng-chip chò in ta̍k kàu-hoē ê tāi-piáu, kong tiàu-sû. ia̍h ū pún-chng ê chng-tiúⁿ, chō͘-ia̍h, ha̍k-hāu sian-siⁿ, kap kî-thaⁿ iú-chì-chiá téng. Lóng-chóng 300 goā miâ lâi hoē-chòng. Pún-tn̂g ê Jīm-chit tāi-paiú-chiá kap Koeh Bo̍k-su, kap Bo̍k-su-niû ê goā-ke, kā hoē-chòng-chiá seh to-siā.

漢羅（Ùi原文改寫）

郭牧師娘

楊世註

1934.06, no. 591, pp. 13-14

郭牧師娘，蕭--氏Gān。 產後熱10日久。 二月19日下晡過身，享壽43歲。 遺下5个後生，5个查某囝。

Tuì細漢有入教會的小學。 後來閣入台南長老教女學卒業；成績優良。 佇 19 歲嫁郭朝成牧師，傳教24年。 到逐所在信者歡迎，厚待。 若是伊對信者，無輕貧，重富。 對會外個人溫柔，和平。 對家庭堪稱賢妻良母，克勤，克儉；gâu治理家務。

郭牧師亦是真好款待伊，攏毋捌一枝竹仔到佇牧師娘的身軀，毋捌一晡無講話。 伊的囝兒亦是有孝，所以in的家庭若準天堂的快樂，和平，相疼。

恁所toà的教會，就是竹山，岡山，員林，埔里，彰化，和美，鹿港，斗六，草墩。

三月20號下晡3點出葬。 中會派李道生做代表。 猶有牧師，傳道師幾若人，佮隔壁教會的長執做in逐教會的代表，講弔辭。 亦有本庄的庄長，助役，學校先生，佮其他有志者等。 攏總300 外名來會葬。 本堂的任職代表者佮郭牧師，佮牧師娘的外家，共會葬者說多謝。