論三的說
Lūn Sam ê soat
文獻資訊
| 項目 | 資料 |
|---|---|
| 作者 | 無lo̍h名 |
| 卷期 | 台灣教會公報/芥菜子 |
| 卷期 | 第590卷 |
| 日期 | 1934/5 |
| 頁數 | 26 |
白話字（原文數位化）
Lūn Sam ê soat
- 5, no. 590, pp. 26
Lūn saⁿ, ê siàu-gia̍h ū khah-chhim ê ì-sù, iū-koh sī tiōng iàu ê só͘-chāi, iā-sī chin khoah, siūⁿ kó͘-chá kap hiān-kim tiong-goē ū-jîn-sū chìn-hoà-sú chiah lóng-sī án-ni.
Taⁿ tāi-seng ēng lán ê Kàu, lâi kóng Ki-tok-kàu keng-tián ū Sam-uī it-thé, Kiù-chú tī khòng-iá bat keng-kè Saⁿ-pái siū mô͘-kuí chhì-iú, iā lō͘-bé pái tī Khek-se má-nî-hn̂g saⁿ-pái lâu ba̍k-sái khún-chhiat kî-tó.
Tit-tio̍h choè-āu ê tek-sèng, Si̍p-jī-kè pàng-sak sin-khu, Saⁿ-ji̍t koh-oa̍h. iū-koh li̍p bān-sè boē bô-khì ê kî-tiong, sù-bat ū saⁿ-chheng lâng siu-soé kūn-oá Ki-tok.
Kū-iok ū Ná-a Saⁿ-ê kiáⁿ, pâi-lia̍t pun-thó͘-toē hō͘ in khiā-khí sêng-chiap āu-sè. A-pek-lia̍p-hán ngiâ-chih Saⁿ-ê thiⁿ-sài tī i ka-kī ê chhù kap Sîn kau-poê choè pêng-iú.
Iok-ná Saⁿ-ji̍t saⁿ-mî tī toā-hî pak-tó͘-lāi, āu-lâi hoán-hoé ê kî-tó. Iû-thài-lâng chheng-choè kî-chek; Tàn-í-lí tī lâu-téng Chi̍t-ji̍t saⁿ-pái kî-tó i ê Siōng-tè, kàu-bé iâⁿ-kè kan-sîn tóng-luī ê kè-bô͘. Sat-tek-lia̍p, Bí-soat, A-pek nî-kho, hō-chheng Sam-iú, tī pō͘-gio̍k ê kun-ông kap jia̍t-hé ê tiong-kan, tit-tio̍h Siōng-tè khuì-la̍t ê chín-kiù. Taⁿ í-siōng só͘ kóng sī Sèng-keng só͘ kì-ê. Nā ū ki-hoē āu-lâi chiah koh kè-sio̍k. (O. TH. K. siá).
漢羅（Ùi原文改寫）
論三的說
1934.5，no.590，pp.26
論三，的數額有較深的意思，又閣是重要的所在，也是真闊，想古早佮現今中外有人士進化史才攏是按呢。
今代先用咱的到，來講基督教經典有三位一體，救主佇曠野捌經過三擺受魔鬼chhì-iú，也路尾擺佇Khek-se má-nî-hn̂g三擺流目屎懇切祈禱。
得著最後的得勝，十字架放拺身軀，三日閣活。又閣立萬世袂無去的其中，使徒的時代，聖神降臨一日，捌有相千人受洗近倚基督。
舊約有Ná-á三個囝，排列分土地予in徛起承接後世。A-pek-lia̍p-hán迎接三個天使佇伊家己的厝佮神交陪做朋友。
Iok-ná三日三暝佇大魚腹肚內，後來反悔的祈禱。猶太人稱做奇蹟；但以理佇樓頂一日三擺祈禱伊的上帝，到尾贏過奸神黨類的計謀。Sat-tek-lia̍p, Bí-soat，A-pek nî-kho，號稱三友，佇pō͘-gio̍k的君王佮熱火的中間，得著上帝氣力的拯救。今以上所講是聖經所記的。若有機會後來才閣繼續。(C. TH. K. 寫)。