家庭講座
Ka-têng Káng-chō
文獻資訊
| 項目 | 資料 |
|---|---|
| 作者 | 陳鳩水 Tân Khiu-suí |
| 卷期 | 台灣教會公報 |
| 卷期 | 第588卷 |
| 日期 | 1934/3 |
| 頁數 | 11-12 |
白話字（原文數位化）
Ka-têng Káng-chō
Tâi-oân siáu-jî ê thé-keh, thé-chit kái-siān kap ni-jî êng-ióng-hoat.
(Tân Khiu-suí)
(Chiap chêng-hō tē 10 bīn)
- 3, no. 588, pp. 11-12
A. Chia̍h bó-ni kiān-khong ê ni-jî
I-hā só͘ beh kóng ê gû-ni, sī chheⁿ-gû-ni ê ì-sù, nā-sī ēng “Lactogen” (gû-ni-hún ê miâ), sī 42 grm, phàu 284 c.c. ê sio kún-chuí, sī kap chiàⁿ-hoè ê chheⁿ ê choân-ni ê hūn sio-siāng (full strength of “Lactogen”).
Kàu chi̍t goe̍h-ji̍t, bó-ni chi̍t ji̍t 5 pái liân poàⁿ pái; ē-tàu-sî bó-ni chia̍h chi̍t poàⁿ, chhun--ê ēng 50 c.c. ê gû-ni-moê lâi pó͘-chiok. Gû-ni-moê ū nn̄g khoán, po̍h--ê sī ēng gû-ni 60 c.c. gō͘-kak-hún chi̍t grm, pe̍h-thn̂g 6 grm; kāu--ê sī ēng gû-ni 56 c.c., gō͘-kak-hún 4 grm, pe̍h-thn̂g 4 grm.
Koè 5 goe̍h-ji̍t, bó-ni 5 pái, ē-tàu-sî bô chia̍h bó-ni, chia̍h gû-ni-moê 100 c.c.
La̍k goe̍h-ji̍t kap 7 goe̍h-ji̍t, bó-ni 4 pái, ē-tàu-sî chia̍h chhài 50 grm, kap gû-ni-moê 50 c.c., mńg-po͘ gû-ki-moê 50 c.c. nā-tiāⁿ. Chhài, sī ēng má-lêng-chû á-sī poê-lêng-chhài, koè-tè (strained) āu, chham iâm-hoe-á.
Peh kàu 9 goe̍h-ji̍t, bó-ni 4 pái, ē-tàu-sî, chhài 50 grm, koé-chí-moê 50 grm, mńg-po͘ gû-ni-moê 100 c.c., koé-chí-moê (baked apple), sī ēng phōng-kó á-sī lâi-á, sím ēng to-á ui khí-lâi liáu, ji̍p thn̂g, ēng sió-khoá chuí lâi “cop” (coddle) liáu-āu koè-tè.
Cha̍p kàu 11 goe̍h-ji̍t, bó-ni 3 pái, jiân-āu nn̄g pái tio̍h hó, téng-po͘ gû-ni-piáⁿ (biscuit) 10 grm, kap tām-po̍h gû-ni hō͘ piáⁿ nńg-nńg khah hó-sè chia̍h, ē-tàu chhài 50 grm, koé-chí-moê 50 grm, gû-ni-piáⁿ 10 grm, mńg-po͘ gû-ni-moê 100 c.c., kap gû-ni-piáⁿ á-sī mī-pau.
Cha̍p-jī goe̍h-ji̍t, ji̍t--sî bô hō͘ chia̍h bó-ni, kan-ta mê--sî chi̍t pái tio̍h hó, chá-khí-sî (6.00 a. m.) gû-ni; téng-po͘ (9.00 a. m.) gû-ni-piáⁿ 10 grm, ke-nn̄g kap gû-ni; ē-tàu (12.00 noon), chhài 50 grm, koé-chí 50 grm, gû-ni-piáⁿ 10 grm; ē-po͘ (3.30 p. m.) gû-ni; ê-hng-sî (7.00 p. m.) gû-ni-moê 100 c.c., poàⁿ-mê bô-ni.
B. Chia̍h gû-ni kiān-khong ê ni-jî
Bô chhin-chhiūⁿ khah chá ēng 1/3 ê kāu, sī tuì khí-thâu chiū ēng 1/2, tī 2-3 goe̍h-ji̍t ēng 2/3, koè 6-7 goe̍h-ji̍t, ēng choân-ni (full strength).
It kàu nn̄g goe̍h-ji̍t, chi̍t ji̍t 6 pái.
Koè 3 goe̍h-ji̍t, chi̍t ji̍t 5 pái liân poàⁿ pái, ē-tàu-sî gû-ni ê hūn-liōng sī chi̍t poàⁿ ēng gû-ni-moê 50 c.c. lâi pó͘-chiok.
Koè 4 goe̍h-ji̍t, gû-ni 5 pái (朝, 午前, 午後, 夕, 夜), ē-tàu gû-ni-moê 50 c.c., má-lêng-chû á-sī poê-êng-chhài-moê 50 grm, má-lêng-chû-moê sī ēng má-lêng-chû 24 grm, gû-ni 30 c.c., gû-ni-iû (batter) 3.5 grm, poê-lêng-chhài-moê sī ēng poê-lêng-chhài 50 grm, gû-ni-iû 5 grm, gō͘-kak-hún 2 grm, gû-ni 10 c.c.
Koè 5 goe̍h-ji̍t, gû-ni 4 pái (朝, 午前, 午後, 夜), ē-tàu-sî chhài-moê 50 grm, koé-chí-moê 50 grm, mńg-po͘ gû-ni-moê 50 c.c., gû-ni 100 c.c.
Koè 6 goe̍h-ji̍t, gû-ni 4 pái (朝, 午前, 午後, 夜), ē-tàu-sî chhài-moê 50 grm, koé-chí-moê 50 grm, gû-ni-piáⁿ 10 grm, mńg-po͘ gû-ni-moê 50 c.c., gû-ni 100 c.c.
Chhit kàu peh goe̍h-ji̍t, gû-ni 3 pái (朝, 午後, 夜), téng-po͘ ke-nn̄g-jîn chi̍t lia̍p, pe̍h m̄-pau 13 grm, gu-ni 100 c.c., ē-tàu-sî chhài-moê 50 grm, koé-chí-moê 50 grm, gû-ni-piáⁿ 10 grm, mńg-po͘ gû-ni-moê 50 c.c., gû-ni 100 c.c., kap chia̍h gû-ni, soà sǹg chi̍t ji̍t sī 6 tǹg.
Koè 9 goe̍h-ji̍t, gû-ni 3 pái (朝, 午後, 夜), téng-po͘ ke-nn̄g-jîn chi̍t lia̍p, pe̍h mī-pau 13 grm, gû-ni 100 c.c., ē-tàu-sî “スープ” 100 c.c., chhài-moê 50 grm, koé-chí-moê 50 grm, gû-ni-piáⁿ 10 grm, mńg-po͘ gû-ni-moê 50 grm, gû-ni 100 c.c., “スープ” sī ke-thng á-sī gû-bah thng 200 c.c., thin gō͘-kak 4 grm, gû-ni-iû 2.5 grm, chia̍h gû-ni ia̍h sǹg chi̍t ji̍t sī 6 tǹg.
Cha̍p kàu 11 goe̍h-ji̍t, sī kap 9 goe̍h-ji̍t--ê sio-siāng, kan-ta ē-tàu-sî ê gû-ni-piáⁿ ēng nn̄g poē-20 grm ê cheng-chha nā-tiāⁿ.
Koè 12 goe̍h-ji̍t, gû-ni kan-ta chi̍t pái (午後), chá-khí-sî (6.00 a. m.), mī-pau 13 grm, kap gû-ni 150 c.c., téng-po͘ (9.00 a. m.), ke-nn̄g chi̍t lia̍p, mī-pau 13 grm, gû-ni 100 c.c., ē-tàu-sî (12.00 noon), “スープ” 100 c.c., chhài-moê 50 grm, koé-chí-moê 50 grm, mī-pau 20 grm, ê-hng-sî (7.00 p.m.), gû-ni-moê 100 c.c., gû-ni 100 c.c., chi̍t ji̍t sī 5 tǹg.
(Oân).
漢羅（Ùi原文改寫）
家庭講座
台灣小兒的體格，體質改善佮奶兒營養法。
(陳鳩水)
(接前號第10面)
1934.3，no.588，pp.11-12
A. 食母奶健康的奶兒
以下所欲講的牛奶，是生牛奶的意思，若-是用「Lactogen」(牛奶粉的名)，是42 grm，泡284 c.c. 的燒滾水，是佮正貨的生的全奶的份相像 (full strength of 「Lactogen」)。
到一月日，母奶一日5擺連半擺；下晝時母奶食一半，賰--的用50 c.c. 的牛奶糜來補足。牛奶糜有兩款，薄--的是用牛奶60 c.c. 五穀粉一grm，白糖6 grm；厚--的是用牛奶56 c.c. ，五穀粉4 grm，白糖4 grm。
過5月日，母奶5擺，下晝時無食母奶，食牛奶糜100 c.c.
六月日佮7月日，母奶4擺，下晝時食菜50 grm，佮牛奶糜50 c.c.，晚晡牛奶糜50 c.c. nā-tiāⁿ。菜，是用馬鈴薯抑是菠薐菜，過滯 (strained)後，摻鹽花仔。
爬到9月日，母奶4擺，下晝時，菜50 grm，果子糜50 grm，晚晡牛奶糜100 c.c.，果子糜(baked apple)，是用蓬果抑是梨仔，心用刀仔ui起來了，入糖，用小可水來「cop」(coddle)了後過滯。
10到11月日，母奶3擺，然後兩擺著好，頂晡牛奶餅(biscuit) 10 grm，佮淡薄牛奶予餅軟軟較好勢食，下晝菜50 grm，果子糜50 grm，牛奶餅10 grm，晚晡牛奶糜100 c.c.，佮牛奶餅抑是麵包。
十二月日，日--時無予食母奶，干單暝--時一擺著好，早起時(6.00 a. m. )牛奶；頂晡(9.00 a. m.)牛奶餅10 grm，雞卵佮牛奶；下晝(12.00 noon)，菜50 grm，果子50 grm，牛奶餅10 grm；下晡(3.30 p. m.)牛奶；下昏時(7.00 p. m.)牛奶糜100 c.c.，半暝無奶。
B. 食牛奶健康的奶兒
無親像較早用1/3的厚，是對起頭就用1/2，佇2-3月日用2/3，過6-7月日，用全奶(full strength)。
一到兩月日，一日6擺。
過3月日，一日5擺連半擺，下晝時牛奶的份量是一半用牛奶糜50 c.c.來補足。
過4月日，牛奶5擺(朝，午前，午後，夕，夜)，下晝牛奶糜50 c.c.，馬鈴薯是菠薐菜糜50 grm，馬鈴薯糜是用馬鈴薯24 grm，牛奶30 c.c.，牛奶油(batter) 3.5 grm，菠薐菜糜是用菠薐菜50 grm，牛奶油5 grm，五穀粉2 grm，牛奶10 c.c. 過月日，牛奶4擺(朝，午前，午後，夜)，下晝時菜糜50 grm，果子糜50 grm，晚晡牛奶糜50 c.c.，牛奶100 c.c.
過6月日，牛奶4擺(朝，午前，午後，夜)，下晝時菜糜50 grm，果子糜50 grm，牛奶餅10 grm，晚晡牛奶糜50 c.c.，牛奶100 c.c.
一到八月日，牛奶3擺(朝，午後，夜)，頂晡加卵仁一粒，白麵包13 grm，牛奶100 c.c.，下晝時菜糜50 grm，果子糜50 grm，牛奶餅10 grm，晚晡牛奶糜50 c.c.，牛奶100 c.c.，佮食牛奶，紲算一日是6頓。
過9月日，牛奶3擺(朝，午後，夜)，頂晡加卵仁一粒，白麵包13 grm，牛奶100 c.c.，下晝時「スープ」100 c.c.，菜糜50 grm，果子糜50 grm，牛奶餅10 grm，晡牛奶糜50 grm，牛奶100 c.c.，「スープ」是雞湯抑是牛肉湯200 c.c.，添五穀4 grm，牛奶油2.5 grm，食牛奶亦算一日是6 頓。
10到11月日，是佮9月日--的相像，干單下晝時的牛奶餅用兩倍-20 grm的精差若定。
過12月日，牛奶干單一擺(午後)，早起時(6.00 a.m.)，麵包13 grm，佮牛奶150 c.c.，頂晡(9.00 a.m.)，雞卵一粒，麵包13 grm，牛奶100 c.c.，下晝時(12.00 noon)，スープ」100 c.c.，菜糜50 grm，果子糜50 grm，麵包20 grm，下昏時(7.00 p.m.)，牛奶糜100 c.c.，牛奶100 c.c.，一日是5 頓。
(完)。