責任思想
Chek-jīm Su-siúⁿ
文獻資訊
| 項目 | 資料 |
|---|---|
| 作者 | 楊註 Iûⁿ Chù |
| 卷期 | 台灣教會公報 |
| 卷期 | 第583卷 |
| 日期 | 1933/10 |
| 頁數 | 16 |
白話字（原文數位化）
Chek-jīm Su-siúⁿ
(Iûⁿ Chù)
1933.10 (583koàn) p.16
I. Tuì Sîn. Sìn I sī chō-mi̍h ê Chú-cháiⁿ. Sìn I ū kà-sī lâng : ēng oē, ēng jī, ēng bāng, ēng īⁿ-siōng, ēng kî-īⁿ ê siaⁿ, ēng thiu-chhiam, ēng àm-chīⁿ kám-tōng lâng ê sim.
Siōng iàu-kín, chiū-sī I ū chhe to̍k-siⁿ-kiáⁿ Iâ-so͘ Ki-tok lâi chhoā goán ji̍p Pē ê chhù. Ū Sèng-keng thang tha̍k, lâi kî-tó, tit-tio̍h khé-sī:─
Thiⁿ-sài, Sèng-tô͘ chheng-chheng, bān-bān.
Siōng iàu-kín, chiū-sī lâng ū su-io̍k, beh kiâⁿ lu̍t-hoat bē chiâu-pī, ū kan-khó͘ , sī chò iô͘-châi.
Chiū-sī ū Mô͘-kuí teh bê-he̍k, the-sî m̄-bat Thiⁿ Pē, sim-pìⁿ phiáⁿ, hoān-choē, ū kan-khó͘ , sī chò lóng-tōng chú. Só͘-í siū éng sè-tāi ê kan-khó͘ : ─
人慾 行律 不全 苦難 奴僕
永死不息
魔鬼 諉惡 罪孽 苦難 浪子
Chiū-sī ū Sèng Sîn kám-tōng, kám-hoà, hō͘ lâng sìn Iâ-so͘ ê in-tián, lâi chiâⁿ-sèng ; ū kan-khó͘, sī chò Siōng-tè ê kiáⁿ ê kan-khó͘ :─
聖靈 信恩 聖潔 苦難 兒子 永生不息
Iâ-so͘ ê in-tián, chiū-sī chò-lō͘, chò kiô, thè lâng sio̍k-choē, hō͘ lâng tit-tio̍h têng-thâu-siⁿ, chhut-sí ji̍p-oa̍h:─
永死不息 耶穌贖罪更生 永生不息
II. Tuì-mi̍h. Beh hāi lán--ê, tio̍h io̍k-sok, tio̍h siám-pī, tio̍h lī-iōng ; Iâ-so͘ ū siám-pī Hô͘-lî (Hi-lu̍t). Iok-hān tī khòng-iá beh iok-sok to̍k-choâ.án-ni-siⁿ pháiⁿ-lâng sī jîn-luī ê boé-liu, sī siù-luī ê thâu-chi̍t ê. Lâng nā ē-hiáu-tit, ū pún-sū, chiū kā i lī-iōng, á-sī kā i iok-sok; nā bē-hiáu-tit, bô pún-sū, chiū tek-khak tio̍h siám-pī, khah ū thiàⁿ sim.
Lūn tiān-khì, chuí, hoé, hong, thô͘, chio̍h; iā sī tio̍h án-ni. Hó͘, pà, sai , chhiūⁿ , bé, gû, choâ, kok hāng ê tōng-bu̍t kap kok-hāng ê sek-bu̍t, iû-goân tio̍h án-ni: (1)Iok-sok. (2) Lī-iōng. (3) Siám-pī. Ū-sî saⁿ hāng kiam iiōng. Ū-sî saⁿ hāng saⁿ-thè-oāⁿ; hō͘ put-lūn sím-mi̍h mi̍h, pìⁿ-chò lī-ek lâng, êng-kng Siōng-tè.
漢羅（Ùi原文改寫）
責任思想
(楊註)
1933.10 (583卷) P.16
I.對神。信伊是造物的主宰。信伊有教示人：用話，用字，用夢，用異象，用奇異的聲，用抽籤，用暗靜感動人的心。
上要緊，就是伊有差獨生囝耶穌基督來chhoā阮入父的厝。有聖經通讀，來祈禱，得著啟示：
天使，聖徒清清，慢慢。
上要緊，就是人有私慾，欲行律法袂齊備，有艱苦，是做奴才。
就是有魔鬼咧迷惑，推辭毋捌天父，心變歹，犯罪，有艱苦，是做浪蕩子。所以受永世代的艱苦：─
人慾 行律 不全 苦難 奴僕
永死不息
魔鬼 諉惡 罪孽 苦難 浪子
就是有聖神感動，感化，予人信耶穌的恩典，來成聖；有艱苦，是做上帝的囝的艱苦：─
聖靈 信恩 聖潔 苦難 兒子 永生不息
耶穌ê恩典，就是做路，做橋，替人贖罪，予人得著重頭生，出死入活：
永死不息 耶穌贖罪更生 永生不息
II.對物。欲害咱的，著約束，著閃避，著利用；耶穌有閃避狐狸(希律)。約翰佇曠野欲約束毒蛇。
按呢生歹人是人類的尾溜，是獸類的頭一個。人若會曉得，有本事，就共伊利用，抑是共伊約束；若袂曉得，無本事，就的確著閃避，較有疼心。
論電氣，水，火，風，土，石；也是著按呢。虎，豹，獅，象，馬，牛，蛇，各項的動物佮各項的色物，猶原著按呢：(1)約束。(2)利用。(3)閃避。有時三項兼容。有時三項相替換；予不論啥物物，變做利益人，榮光上帝。