基督教青年歌

Ki-tok-kàu Chheng-liân Koa

文獻資訊

項目	資料
作者	蔡培火 Chhoà Poê-hoé
卷期	台灣教會報
卷期	第552期
日期	1931/3
頁數	4

白話字（原文數位化）

Ki-tok-kàu Chheng-liân Koa

1931.03  tē 552 koàn  p.4

(Chhoà Poê-hé)

Key C.

1.Sai-hng kiù-chhiⁿ chhut-hiān, Tang-pêng phok-sū hoat-kiàn

Lâng nā ba̍k-kim khoàⁿ ē chhut, Chek-sī tit-kiù bián sí-bia̍t

Iâ-so͘ chiàⁿ-sī kiù-sè Chú,Tē-siōng Thian-kok I kiàn-siat

Chuí nā chheng hî chiū hiān, Io̍k-liām sí sìn-sim kian,

Ki-tok chheng-liân hó pêng-iú, Hok-im soan-thoân tio̍h hiòng-chiân

Ki-tok chheng-liân hó pêng-iú, Hok-im soan-thoân tio̍h hiòng-chiân

2.Chhun hong tāng, chhiū khui hoe, Sèng-lêng kàng, lâng hoé choē,

Lán nā ē-thang ka-tī kiù, Tang-thiⁿ ta-chhiū lóng khui-hoe,

Kì-tit chá-chêng Gō͘-sûn-cheh, Lêng-kong hoat-hiān chhin-chhiūⁿ hoé,

Chú ê poe, lán ê hoeh, Tâng chi̍t thé,sio kau-poê,

Ki-tok chheng-liân hó pêng-iú, Eńg-oán tī Chú saⁿ chū-hoē,

Ki-tok chheng-liân hó pêng-iú, Eńg-oán tī Chú saⁿ chū-hoē.

3.Thiⁿ-téng ji̍t kng goe̍h bêng, Tē-bīn hoe âng, chháu le̍k,

Siōng-tè te̍k-pia̍t si in-tián, Hō͘ lán kap I tâng bô͘ hêng,

Piàn-tē kang-san Pē ki-gia̍p, Choân-pō͘ kau-tài lán keng-êng,

Beh chò kang, ài thé le̍k, Cháu thiⁿ-lō͘, tio̍h ióng-béng,

Ki-tok chheng-liân hó pêng-iú, Tâng-sim hia̍p-le̍k chīn sù-bēng,

Ki-tok chheng-liân hó pêng-iú, Tâng-sim hia̍p-le̍k chīn sù-bēng.

漢羅（Ùi原文改寫）

基督教青年歌

1931.03  第552卷  p.4

(蔡培火)

Key C.

1.西方救星出現，東爿博士發見，

人若目金看會出，即時得救免死滅，

耶穌正是救世主，地上天國伊建設，

水若清魚就現，慾念死信心堅，

基督青年好朋友，福音宣傳著向前，

基督青年好朋友，福音宣傳著向前。

2.春風動、樹開花、聖靈降、人悔罪，

咱若會通家己救，冬天礁樹攏開花，

記得早前五旬節，靈光發現親像火，

主的杯、咱的血，同一體，相交陪，

基督青年好朋友，永遠佇主相聚會，

基督青年好朋友，永遠佇主相聚會。

3.天頂日光月明、地面花紅草綠，

上帝特別施恩典，予咱佮伊同模型，

遍地江山父基業，全部交帶咱經營，

欲做工，愛體力；走天路，著勇猛，

基督青年好朋友，同心協力盡使命，

基督青年好朋友，同心協力盡使命。