世界宗教的進步
Sè-kài chong-kàu ê chìn-pō͘
文獻資訊
| 項目 | 資料 |
|---|---|
| 作者 | 無lo̍h名 |
| 卷期 | 台灣教會報 |
| 卷期 | 第515卷 |
| 日期 | 1928/2 |
| 頁數 | 1-2 |
白話字（原文數位化）
Sè-kài Chong-kàu ê Chìn pō͘
1928.02.01 515 Koàn p.1-2
比較五十年前之 進步割合
退步割合
基督教 6,10000,0000＞6/10
新教1,8000,0000＞8/10
天主教 3,0000,0000＞5/10
希臘教 1,3000,0000＞3/10
異教
儒教道教 3,0000,0000＜1/4
印度教 2,4000,0000＞2/10
回回教
佛教與神道教
萬有精神論與神靈崇拜與其他無神論 2,4000,0000＞2/10
Ki-tok kàng-lîm liáu-āu iā hoan-hù I ê ha̍k-seng khì phó͘-thiⁿ-ē thoân Hok-im. Chit 19 sè-kí, sè-kài chú-iàu ê chong-kàu sìn-tô͘ sò͘-gia̍h ê pí-kàu, lán khoàⁿ téng-bīn ê pí-kàu chiū ē bêng-pe̍k.
Liōng-pit chē-chē lâng khoàⁿ-liáu ē chin gông-ngia̍h, in-uī sè-kài Ki-tok-tô͘ ê sò͘-gia̍h (Thian-chú-kàu, Hi-lia̍p-kàu, Sin-kàu) pí chèng īⁿ-kàu (ìn-tō͘-kàu, Pu̍t-kàu, Hoê-hoê-kàu) khah chē, chha-put-to ū la̍k ek chi̍t-chheng bān, pí 50 nî chêng ū cha̍p hūn la̍k ê chìn-pō͘. Sin-kàu (sio̍k Lō͘-tek Má-teng kái-kàu āu) iok ū chi̍t ek peh-chheng bān, pí 50 nî chêng ū cha̍p hūn peh ê chìn-pô͘.
Thian-chú-kàu iok saⁿ ek, pí 50 nî-chêng chìn-pō͘ cha̍p-hūn gō͘.
Hi-lia̍p-kàu ū chi̍t ek saⁿ-chheng bān, chìn-pō͘ cha̍p hūn saⁿ.
ĪN-kàu ê siāng-chē--ê chiū-sī Jû-kàu kap Tō-kàu, in kè-kiōng chí-ū saⁿ ek bān nā-tiāⁿ, án-ni pí 50 nî chêng thè-pō͘ sì hūn chi̍t.
ìn-tō͘-kàu ū chiàm nn̄g ek sì chheng bān, sī chìn-pō͘ cha̍p hūn jī.
Hoê-goê-kàu ū nn̄g ek sì-chheng bān, sī chìn-pō͘ cha̍p hūn jī (toā-pō͘-hūn sī tī A-hui-lī-ka).
Pu̍t-kàu kap Sîn-tō-kàu iok chi̍t ek la̍k-chheng bān, chìn-pō͘ sì hūn chi̍t.
Bān-iú-cheng-sîn lūn kap Sîn-lêng-chong-pài kap kî-û chéng-chéng ê bû-sîn-lūn, ū nn̄g ek sì-chheng bān, chìn-pō͘ cha̍p hūn jī. M̄-kú tī chit 50 nî ê tiong-kan, sûn īⁿ-kàu kap Bān-iú-cheng-sîn-lūn-chiá ū khah thè-pō͘ cha̍p hūn saⁿ. Tuì án-ni tī ta̍k só͘-chāi chhin-chhiūⁿ tī Gô-lô á-sī pa̍t kok, sit-lo̍h sìn-gióng ê lâng ê tiong-kan, Bû-sîn-phài ê sè-le̍k ná cheng-ka. Iû-thài lâng khah oh-tit sǹg, in-uī in lóng sì-soàⁿ, iā khah chē m̄ sêng-jīn in chó͘-sian ê chong-kàu ê sìn-gióng, chiah ê Iû-thài lâng iok ū chi̍t chheng gō͘-pah bān.Tī chit 50 nî kú tuì tī in toā ê seng-sán-bu̍t ū ke-thiⁿ chi̍t poē poàⁿ.
Sè-kài jîn-kháu ê chóng-kè tī chit poàⁿ sè-kí ū tuì14 ek chìn-kàu 18 ek goā, thang kóng ke ū 10 hūn 3. Tuì goā-kàu lâi kái-chong chò Ki-tok-kàu ê, ū tuì 100 bān chìn-kàu 400 bān goā, chìn-pō͘ 4 poē khah ke.
Tī Soan-tō khu-he̍k (Protestant) Sin-kàu ê kái-chong-chiá, tī 50 nî chêng chiah iok ū 30 bān nā-tiāⁿ, m̄-kú kin-á-ji̍t ū 360 bān, chiū-sī ke-thiⁿ 10 goā poē. Tī chiah ê Soan-kàu khu-he̍k Ki-tok Kàu-hoē ê sìn-tô͘ iok ū 800 bān í-siōng.
Chóng-sī Ki-tok-tô͘ bē thang tuì chiông-chiân iú-bāng ê sò͘-gia̍h ê pí-kàu lâi an-sim kóng, che sī Ki-tok Kàu-hoē ê oa̍h-tāng ê chèng-kù, iā sī sè-kài Siōng-tè ê Sîn ê kang-tiâⁿ ê chèng-kù, lâi bē kì-tit hùn-hoat. iáu ū chin-chē boē chò ê, lán kiám m̄ tio̍h kiàn-siàu. In-uī chheng-chò Ki-tok-tô͘ ke-thiⁿ nn̄g ek sì chheng-bān. Só͘-í ĪN-kàu iā chì-chió ū ke-thiⁿ chi̍t ek saⁿ-chheng bān. Khó-kiàn Ki-tok Kàu-hoē m̄-thang uì tio̍h-boâ chū-boán, chū-chiok.
Ki-tok só͘ iàu-kín beh chín-kiù ê sè-kan lâng, in liân bat to m̄-bat I beh thái ē thang lâi toè I?
(From The Missionary Review of the World)
漢羅（Ùi原文改寫）
世界宗教的進步
1928.02.01 515卷 p.1-2
比較五十年前之 進步割合
退步割合
基督教 6,10000,0000＞6/10
新教1,8000,0000＞8/10
天主教 3,0000,0000＞5/10
希臘教 1,3000,0000＞3/10
異教
儒教道教 3,0000,0000＜1/4
印度教 2,4000,0000＞2/10
回回教
佛教與神道教
萬有精神論與神靈崇拜與其他無神論 2,4000,0000＞2/10
基督降臨了後也吩咐伊的學生去普天下傳福音。這19世紀，世界主要的宗教信徒數額的比較，咱看頂面的比較就會明白。
量必濟濟人看了會真gông-ngia̍h，因為世界基督徒的數額(天主教，希臘教，新教)比眾異教(印度教，佛教，回回教)較濟，差不多有六億一千萬，比50年前有十份六的進步。新教(屬路德馬丁改教後)約有一億八千萬，比50年前有十份八的進步。
天主教約三億，比50年前進步十份五。
希臘教有一億三千萬，進步十份三。
異教的 siāng濟--ê就是儒教佮道教，in計共只有三億萬nā-tiāⁿ，按呢比50年前退步四份一
印度教有佔兩億四千萬，是進步十份二。
回回教有兩億四千萬，是進步十份二 (大部分是佇亞非利加)。
佛教佮神道教約一億六千萬，進步四份一。
萬有精神論佮神靈崇拜佮其餘種種的無神論，有兩億四千萬，進步十份二。毋kú佇這50年的中間，巡異教佮萬有精神論者有較退步十份三。對按呢佇逐所在親像佇Gô-lô抑是別國，失落信仰的人的中間，無神派的勢力那增加。猶太人較oh得算，因為in攏四散，也較濟毋承認in 祖先的宗教的信仰，chiah 的猶太人約有一千五百萬。佇這50年久對佇in大的生產物有加添一倍半。
世界人口的總計佇這半世紀有對14億進到18億外，通講加有10份3。對外到來改裝做基督教的，有對100萬進到400萬外，進步4倍較加。
佇宣道區域 (Protestant)新教的改裝者，佇50年前才約有30萬nā-tiāⁿ，m̄-kú 今仔日有360萬，就是加添10外倍。佇chiah 的宣教區域基督教會的信徒約有800萬以上。
總是基督徒袂通對從前有望的數額的比較來安心講，這是基督教會的活動的證據，也是世界上帝的神的工程的證據，來袂記得奮發。猶有真濟袂做的，咱kiám毋著見笑。因為稱做基督徒加添兩億四千萬。所以異教也至少有加添一億三千萬。可見基督教會毋通畏著磨自滿，自足。
基督所要緊欲拯救的世間人，in連捌to毋捌伊欲thái會通來綴伊？
(From The Missionary Review of the World)