耶穌疼我！我知明

Iâ-so͘ thiàⁿ goá! Goá chai beng

文獻資訊

項目	資料
作者	明有德 Bêng Iú-tek
卷期	芥菜子
卷期	第 22 號
日期	1927/11
頁數	13

白話字（原文數位化）

“Iâ-so͘ thiàⁿ goá!  Goá chai beng”

aⁿa warner sī Bí-kok lâng.  I ū toà tī chi̍t só͘-chāi sī oá tī New York.

I ke-lāi ê lâng lóng sī choè si, gâu ji̍h khîm, gâu chhiùⁿ-koa.  I ê chí-bē ū ìn kuí-nā pún; khah choē sī lūn Sèng-si kap im-ga̍k ê sū.

aⁿa Warner pún-sin ū choè put-chí choē ê si.  I só͘ choè ê si ū koan-hē tī gín-ná ê khoán-sit.  I 37 hè ê sî, ū ìn chi̍t pún kò͘-sū chheh.  Tī hit lāi-bīn ū ìn chi̍t siú ê si, chiū-sī lūn “Iâ-so͘ thiàⁿ goá!  Goá chai bêng.”

Ū lâng kóng, I ê gín-ná hit sî ū phoà-pīⁿ.  I kā i chiàu-kò͘ ê sî ū tha̍k Sèng-keng hō͘ i thiaⁿ, iā tuì i ê gín-ná ê só͘ siūⁿ, só͘ kóng lâi siá chit siú ê si.

iā ū lâng kóng, I pún-sin ū chhin-chhiūⁿ gín-ná ê sim-koaⁿ tī-teh, chhin-chhiūⁿ gín-ná ê sìn-gióng tī-teh; in-uī i ū hit-khoán ê cheng-sîn chiah oē siá, “Sī Iâ-so͘ thiàⁿ goá.”

Chit khoán ê cheng-sîn sī oá tī Iâ-so͘ só͘-kóng… “Lín nā bô oa̍t-tńg lâi chiâⁿ-choè chhin-chhiūⁿ soè-hàn gín-ná ê, koat-toàn boē ji̍p thian-kok.”

漢羅（Ùi原文改寫）

耶穌疼我！我知明

aⁿa warner是美國人。伊有toà佇一所在是倚佇New York。

伊家內的人攏是做詩，gâu ji̍h琴，gâu唱歌。伊的姐妹有印幾若本；較濟是論聖詩佮音樂的事。

aⁿa Warner本身有做不止濟的詩。伊所做的詩有關係佇囡仔的款式。伊37 歲的時，有印一本故事冊。佇彼內面有應一首的詩，就是論「耶穌疼我！我知明。」

有人講，伊的囡仔彼時有破病。伊共伊照顧的時有讀聖經予伊聽，也對伊的囡仔的所想，所講來寫這首的詩。

也有人講，伊本身有親像囡仔的心肝佇teh，親像囡仔的信仰佇teh；因為伊有彼款的精神才會寫，「是耶穌疼我。」

這款的精神是倚佇耶穌所講…「恁若無越轉來成做親像細漢囡仔的，決斷袂入天國。」