淡水教會有志佈道隊

Tām-suí kàu-hoē Iú-chì pò͘-tō-tuī

Tām-suí kàu-hoē Iú-chì pò͘-tō-tuī

Tī kin-nî 2 ge̍h, Tām-suí kàu-hoē ū cho͘-chi̍t chi̍t-tīn.

Pò͘-tō-tuī. Bêng-chheng miâ kiò “Tām-suí kàu-hoē.

Pò͘-tō-tuī.

Bo̍k-tek chiū-sī, ài thoân-pò Hok-im tī Tām-suí hū-kūn ê toē-hng, thang khòng-tiong Siōng-tè ê Sèng-kok.

Khí-thâu ū kéng He-lô-á, (lī Tām-suí 4 mia-Eng-lí). In-uī í-chêng ū siat pài-tn̂g tī hia.

Ta̍k pài-la̍k, tuī-oân ū lûn-liû khì hia pò͘-tō, ián-káng kà Chú-ji̍t-o̍h.

Hia ê lâng chin hoan-gêng, ki-hoē thang kóng chin hó. ǹg-bāng oē chiām-chiām hoat-tián, ke-thiⁿ lâng-gia̍h.

M̄-nā án-ni, iā ū teh kè-e̍k tio̍h tī khah-choē só͘-chāi lâi pò͘-tō, siat Chú-ji̍t-o̍h.

Kiám-chhái chiong-lâi oē thang siat káng-gī-só͘. ǹg-bāng tha̍k-pò ê hiaⁿ-chí, tī kî-tó ê sî, thè chit ê Tām-suí kàu-hoē pò͘-tō-tuī kî-tó.

ǹg-bāng Siōng-tè ê pang-chān, oē chiām-chiām hoat-tián.

淡水教會有志佈道隊

佇今年2月，淡水教會有組織一陣。

佈道隊。名稱名叫「淡水教會。

佈道隊。

目的就是，愛傳報福音佇淡水附近的地方，通擴張上帝的聖國。

起頭有揀He-lô-á，(離淡水4 mai-英里)。因為以前有設拜堂佇遐。

逐拜六，隊員有輪流去遐佈道，演講教主日學。

遐的人真歡迎，機會通講真好。向望會漸漸發展，加添人額。

M̄-nā按呢，也有teh計畫著佇較濟所在來佈道，設主日學。

Kiám-chhái將來會通設講義所。向望讀報的兄姊，佇祈禱的時，替這个淡水教會佈道隊祈禱。

向望上帝的幫贊，會漸漸發展。