我來就近你

Goá lâi chiū-kūn lí

文獻資訊

項目	資料
作者	明有德 Bêng Iú-tek
卷期	芥菜子
卷期	第 14 號
日期	1927/3
頁數	11

白話字（原文數位化）

Goá lâi chiū-kūn lí

“Kiù-chú hoaⁿ-hí ê siaⁿ, Goá tio̍h kūn-chêng lâi thiaⁿ: Lí hō͘ goá luī tì-kàu lâu-huih, Kiù goá choē-jîn sìⁿ-miā.”

Chit-siú ê chok-chiá si LEWIS HART SUTH. I 23 hè ê sî ū choè Bí-kok-Bí-í bí-hoē ê Bo̍k-su. Choè Bo̍k-su ê sî i iu-goân choè im-ga̍k ge̍h-pò ê kì-chiá. Nā khoàⁿ chit siú ê si, sī ná chhin-chhiūⁿ thiaⁿ im-ga̍k ê oē:－

“Kiù-chú hoaⁿ-hí ê siaⁿ”……

“Kiù-chú thiàⁿ-thàng siaⁿ-im”……

M̄-nā án-ni, chit siú ū chin chhim ê tō-lí tī-teh.

Bí-kok chhut-miâ ê ián-soat-ka SANKY ū chi̍t-pái tī Eng-kok thoân tō-lí ê sî, án-ni kóng:－

“Chit siú si ê oē kap tiāu sī tāi-seng hoat-hêng tī ge̍h-pò. Hit ê toê-ba̍k sī “ Chhoā lâng kàu chiâⁿ-sèng “ Goá tī Eng-kok ê sî, kià chi̍t pún hō͘ goá, iā goá suî-sî kā i chhái-ēng, chit-pún chin-chiâⁿ ū lat5, thang pang-chān goá chhoā lâng kui Ki-tok”.

Bêng Iú-tek.

漢羅（Ùi原文改寫）

我來就近你

「救主歡喜的聲，我著近前來聽：你予我累致到流血，救我罪人性命。」

這首的作者是 LEWIS HART SUTH。伊23 歲的時有做美國美以美會的牧師。做牧師的時伊猶原做音樂月報的記者。若看這首的詩，是ná親像聽音樂的話：－

「救主歡喜的聲」……

「救主疼痛聲音」……

毋但按呢，這首有真深的道理佇teh。

美國出名的演說家 SANKY有一擺佇英國傳道理的時，按呢講：－

「這首詩的話佮調是代先發行佇月報。彼个題目是「Chhoā人到成聖」我佇英國的時，寄一本予我，也我隨時共伊採用，這本真誠有力，通幫贊我chhoā人歸基督」。

明有德。