教會的消息
Kàu-hoē ê siau-sit
文獻資訊
| 項目 | 資料 |
|---|---|
| 作者 | 無lo̍h名 |
| 卷期 | 芥菜子 |
| 卷期 | 第 5 號 |
| 日期 | 1926/6 |
| 頁數 | 10-12 |
白話字（原文數位化）
Kàu-hoē ê siau-sit
(A)
Soan-kàu-su
-
Sùn ko͘-niû (Miss Hotson) uī-tio̍h sin-thé lám ê in-toaⁿ, koat-tēng tī 6 ge̍h 23 hō ê chûn beh tńg-khì Ka-ná-tāi.
-
Lia̍t ko͘-niû (Miss Elliot) kap Hē ko͘-niû (Miss Haig) in ê sù-hâ (賜暇) ê kî-kan í-keng kàu, iuⁿ-goân 6 ge̍h 23 hō ê chûn beh chhut-hoat.
-
Lâu Bo̍k-su kap Bo̍k-su niû tī 6 ge̍h bé beh khì Ji̍t-pún, tī hia hioh-joa̍h kàu 8 ge̍h, Bo̍k-su niû kap in ê kiáⁿ-jî beh tńg-khì Ka ná-tāi: in-uī Bo̍k-su niû ê lāu-bú ê sin-thé bô ióng-kiāⁿ. iā Lâu Bo̍k-su beh tī Karui-xawa(輕井澤) hù Ji̍t-pún choân kok ê soan-kàu-su hoē, nā soah chiū beh tńg lâi Tâi-oân.
-
Bú-hoē ū koh phài chi̍t-uī sin ê Bo̍k-su, kiò-choè Toh Hí-sek (卓喜石-Gladstone Macintosh) beh lâi Tâi-oân. I sī Knox tāi-ha̍k chut-gia̍p--ê. 9 ge̍h 2 hō beh tuì Ka-ná-tāi chhut-hoat.
-
Lê ko͘-niû (Miss Claxie) tī 9 ge̍h beh tńg-lâi.
(B)
Tang-sì-kak Káng-gī-só͘
Tang-sì-kak sī tuì Hong-goân ji̍p soaⁿ, Tāi-kah khoe pak-pêng khoe-piⁿ. Só͘-chāi put-chí-toā, ū siat Kūn tī-hia, iā ū Kong-ha̍k-hāu, Sió-ha̍k-hāu, Lú-chú Kong ha̍k-hāu, Iù-tī-oân, téng. Koh ū thiaⁿ-kìⁿ kóng, tī-hia ê toē-hng, siū tiong-téng í-siōng ê kàu-io̍k--ê, ū 200 goā lâng. án-ni thang chai hit ê só͘-chāi sui-sī kūn-soaⁿ, iáu-kú bûn-hoà put-chí hoat-ta̍t; chóng-sī iáu khiàm chi̍t-hāng, chiū-sī Chong-kàu.
Kin-nî pak-pō͘ ê Thân(Thoân)-tō-kio̍k ū gī-tiāⁿ tio̍h khai-siat Káng-gī-só͘ tī-hia, soà phài Chng Sè-kó͘ Thoân-tō; hiān-sî teh chún-pī ta̍k-hāng. Chiân-ji̍t goá ū khì siat-hoat sè-chhù ji̍p-pín, sūn ki-hoē soà thàm Kūn-siù, Sū-bū khò-tiúⁿ, Kéng-chhat khò-tiúⁿ, Chng-tiúⁿ, Hia̍p-gī-oân, téng. Koh tit-tio̍h chi̍t-uī siong-ti ê pêng-iú Chiam Lân-têng sian-siⁿ, i tuì I-ha̍k-hāu chhut-sin, tī Tāi-pak hōng-chit ê sî, bat tiàm tī Báng-kah pài-tn̂g, iā siông-siông lé-pài thiaⁿ tō-lí, chit-tia̍p sui-jiân iáu-bē kong-jīn choè Ki-tok-tô͘, iáu-kú i ū put-chí chàn-sêng Ki-tok-kàu. Chit-pái put-chí tit-tio̍h i ê pang-chān, tàu siat-hoat ta̍k-hāng. ǹg-bāng bô kú oē tit-tio̍h Tāi-tiong chiu ê hú-khó, chiū thang pò͘ kàu khai-sí.
Chhiáⁿ khoàⁿ-pò ê hiaⁿ-chí tì-ì thoè chit ê sin-siat ê só͘-chāi kî-tó, ǹg-bāng Chú ê tō-lí oē toā kóng pò tī hit ê toē-hng.
(C)
Sin-tiàm hoē-tn̂g kià-hù-kim.
Sin-chng kàu-hoē ia̍h chin tông-chêng thiaⁿ-tio̍h Sin-tiàm ê chhám-chêng sui-jiân in ka-kī ài khí pài-tn̂g teh chún-pī, ia̍h hoaⁿ-hí chàn-sêng kià-hù, ia̍h Suī-hong kàu-hoē siat bô kuí-nî pang-chān pa̍t-lâng ê sū chin chhut-la̍t, ū chit-hāng chin kî-koài, chiū sī só͘-toê ê gûn lóng hiān-kau bô khiàm, thiaⁿ in ê thoân-tō teh kóng, nā ta̍k-pái toê-iân lóng án-ni, che si̍t-chāi thang choè ta̍k-uī kàu-hoē ê bô͘-iūⁿ.
Sin-chng kàu-hoē
Kiōng ￥ 50.00 lāi-e̍k,
Lí Choâⁿ
Lîm Chheng-hé
Ông Heng
Chan Âng-mn̂g
So͘ sī Le̍k
Tân Cha-bó͘
Chng Go̍k-chheng
Lô͘ Chio̍h-choâⁿ
Tân Sam-châi
Lîm Thoân-tō-niû
Chng sī Khîm
Lîm Chhoan
Ô͘ Ngó͘-hiông
￥10.00
￥10.00
￥ 5.00
￥ 5.00
￥ 5.00
￥ 5.00
￥ 1.00
￥ 2.00
￥ 1.00
￥ 1.00
￥ 2.00
￥ 1.00
￥ 2.00
Suī-hong kàu-hoē. Kiōng ￥ 147.00
N̂g Chuí-tî
Lîm En̂g-bō͘
Iûⁿ Chiong
Iûⁿ sī O͘-phang
Lîm Chài-thiam
Lîm Thian-sàng
Keh sī Thô
Û Hé-ōng
Lîm sī Gio̍k
Tiō sī Lê
Iûⁿ Sù-an
Khu sī Chiàu
Gô͘ sī Phiô
Kán Chheng-hái
Giâm sī A-thô
Tân Kim-seng
Kán sī Bián
Tiō Chhiu-kim
Chhî Ku-ki
Tân Chio̍h-sai
N̂g sī Kiok
Û sī Hún
Liāu Thian-hô
Sím Suī
Niû Kó͘-chui
Sím sī Khûn
Lîm sī Chng
Chan sī Tiām
Lâu Liông-siu
Lâu sī Chu
Kán Chîⁿ
Tīⁿ Chuí-chhiū
Guî O͘-hoan
Loā sī Cha-bó͘
Bô miâ sī
N̂g Chek-bú
Kang Sù
Liân sī Chhoā
Liāu Siu-chêng
￥ 50.00
￥ 2.00
￥ 4.00
￥ 2.00
￥ 2.00
￥ 1.00
￥ 2.00
￥ 5.00
￥ 1.00
￥ 2.00
￥ 1.00
￥ 1.00
￥ 2.00
￥ 2.00
￥ 1.00
￥ 2.00
￥ 1.00
￥ 2.00
￥ 2.00
￥ 1.00
￥ 1.00
￥ 1.00
￥ 2.00
￥ 2.00
￥ 2.00
￥ 1.00
￥ 1.00
￥ 8.00
￥ 2.00
￥ 2.00
￥ 1.00
￥ 1.00
￥ 2.00
￥ 1.00
￥ 2.00
￥ 5.00
￥ 2.00
￥ 5.00
￥ 20.00
(D) Tiong-o̍h
Glee Club Hóng-būn
Tông-chì-siā
Tī 55 nî chêng, chiū-sī 1871 nî, chhiu-thiⁿ ê chi̍t chá-khí, ū chi̍t-chiah chûn kiò-choè “America” ji̍p Kang-hō͘ (江戶) oan－chiū-sī hiān-sî ê Tang-kiaⁿ-oan－. Chûn lāi ū 2 uī, Tang-iûⁿ éng-oán bô boē kì-tit ê uí-jîn tī-teh, －Chi̍t-ê chiū-sī Tông-chì-siā ê khai-chó͘ Davi Phok-sū koh, chi̍t ê, bô pa̍t lâng, chiū-sī lán Tiong-o̍h ê sí-chó͘ Má-kai Phok-sū.
Lán Tiong-o̍h kap Tông-chì-siā ū bi̍t-chiap ê koan-hē tī-teh ê in-toaⁿ, lán thang chai, m̄-nā kan-ta pîⁿ-pîⁿ sī tuì tī Ki-tok-kàu ê chú-gī lâi siat-li̍p ê ha̍k-hāu; á-sī Tiong-o̍h ê kàu-oân kuí nā-uī sī Tông-chì-siā ê chhut-sin-chiá; he̍k-sī ū choē-choē chia ê ha̍k-seng khì ji̍p Tông-chì-siā ê iân-kò͘; iā thang chai lióng-hāu tuì bē khai-siat í-chêng, chiū ū chhim-chhim ê in-iân tī-teh.
Só͘-í choè hō͘-poè ê lâng eng-kai tio̍h chhut-la̍t î-chhî chi̍t ê koan-hē, hō͘ chit ê koan-hē it-hoat chhin-bit it-hoat kian-kò͘; thang thé-hê, lâi uī tio̍h Pún-kok, thian-kok chīn in ê sú-bēng. Glee-club (im-ga̍k-thôn) chêng-nî bat khì Gî-lân í-kip Lâm-pō͘ ián-chàu lú-hêng só͘ keng-kè sêng-chek put-chí-hó. Chai Gē-su̍t ê la̍t iông-ha̍p lâng ê sim sī toā, hit-tia̍p khí chiū khǹg hit-khoán ê ǹg-bāng ài lí hong chit ê la̍t lâi chīn só͘ teh bì liōng ê lí-sióng.
Taⁿ í-keng chiâⁿ. Glee club ū koat-tēng tī 7 ge̍h 1 hō beh khí-sin, kiâⁿ chhin-bit ê tē-it-pō͘; in-uī í-keng ū tit-tio̍h 2 uī ê kàu-siū kap chi̍t-uī pún-hāu ê chut-gia̍p seng Ông Siú-ióng kun ê chàn-sêng kap Sêng-lo̍k, iā hoaⁿ-hí tàu chīn-la̍t. Toā-toā kā in kám-siā.
ǹg-bāng chit-pái bô sit lo̍h hó-ê ki-hoē, kó-jiân oē tit só͘ chhin-bōng ê kiat-kó.
Tân Chheng-tiong.
漢羅（Ùi原文改寫）
教會的消息
(A)
宣教師
1、 Sùn姑娘 (Miss Hotson)為著身體lám 的因端，決定佇6月23號的船欲轉去加拿大。
1、 Lia̍t姑娘(Miss Elliot)佮Hē姑娘(Miss Haig) in 的賜暇的期間已經到，猶原 6月23號的船欲出發。
1、劉牧師佮牧師娘佇6月尾欲去日本，佇遐歇熱到8月，牧師娘佮in 的囝兒欲轉去加拿大：因為牧師娘的老母的身體無勇健。iā劉牧師欲佇Karui-xawa(輕井澤) 赴日本全國的宣教師會，若煞就欲轉來台灣。
1、 母會有閣派一位新的牧師，叫做卓喜石-Gladstone Macintosh欲來台灣。伊是Knox大學卒業--的。9月2號欲對加拿大出發。
1、 Lê姑娘(Miss Claxie)佇9月欲轉來。
(B)
東勢角講義所
東勢角是對風源入山，大甲溪北爿溪邊。所在不止大，有設郡佇遐，也有公學校，小學校，女子公學校，幼稚園，等。閣有聽見講，佇遐个地方，受中等以上的教育--的，有200外人。按呢通知彼个所在雖是近山，iáu-kú文化不止發達；總是猶欠這項，就是宗教。
今年北部的傳道局有議定著開設講義所佇遐，紲派莊世古傳道；現時teh準備逐項。前日我有去設法稅厝入pín，順機會紲探郡守，事務課長，警察課長，庄長，協議員，等。閣得著一位相知的朋友詹蘭亭亭玉立先生，伊對醫學校出身，佇台北奉職的時，捌踮佇艋舺拜堂，也常常禮拜聽道理，這tia̍p雖然猶未公認做基督徒，iáu-kú伊有不止贊成基督教。這擺不止得著伊的幫贊，鬥設法逐項。向望無久會得著台中州的許可，就通佈教開始。
請看報的兄姐致意替這个新聞設的所在祈禱，向望主的道理會大廣播佇彼个地方。
(C)
新店會堂寄付金
新莊教會也真同情聽著新店的慘情雖然in家己愛起拜堂teh準備，也歡喜贊成寄付，也瑞芳教會設無幾年幫贊別人的事真出力，有這項真奇怪，就是所題的銀攏現交無欠，聽in 的傳道teh講，若逐擺題緣攏按呢，這實在通做逐位教會的模樣。
新店教會
共 ￥ 50.00內譯,
李泉
林清火
王興
曾紅毛
蘇氏歷
陳查某
莊鄂清
盧石泉
陳三才
林傳道娘
莊氏琴
林川
胡午雄
￥10.00
￥10.00
￥ 5.00
￥ 5.00
￥ 5.00
￥ 5.00
￥ 1.00
￥ 2.00
￥ 1.00
￥ 1.00
￥ 2.00
￥ 1.00
￥ 2.00
瑞芳教會
共￥ 147.00
黃水池
林榮茂
楊昌
楊氏烏蜂
林再添
林天送
郭氏桃
余火旺
林氏玉
趙氏黎
楊思安
邱氏照
吳氏萍
簡清海
嚴氏阿桃
陳金生
簡氏免
趙秋金
徐居基
陳石獅
黃氏菊
于氏粉
廖天和
沈瑞
梁古錐
沈氏勤
林氏粧
曾氏恬
劉良修
劉氏珠
簡錢
鄭水樹
魏烏番
賴氏查母
無名氏
黃則武
江賜
連氏娶
廖修情
￥ 50.00
￥ 2.00
￥ 4.00
￥ 2.00
￥ 2.00
￥ 1.00
￥ 2.00
￥ 5.00
￥ 1.00
￥ 2.00
￥ 1.00
￥ 1.00
￥ 2.00
￥ 2.00
￥ 1.00
￥ 2.00
￥ 1.00
￥ 2.00
￥ 2.00
￥ 1.00
￥ 1.00
￥ 1.00
￥ 2.00
￥ 2.00
￥ 2.00
￥ 1.00
￥ 1.00
￥ 8.00
￥ 2.00
￥ 2.00
￥ 1.00
￥ 1.00
￥ 2.00
￥ 1.00
￥ 2.00
￥ 5.00
￥ 2.00
￥ 5.00
￥ 20.00
(D)
中學
Glee Club訪問
同志社
佇55年前，就是1871年，秋天的一早起，有一隻船叫做「America」入江戶灣－就是現時的東京灣－。船內有2位，東洋永遠無袂記得的偉人佇teh，－一位就是同志社的 開祖 Davi博士閣，一个，無別人，就是咱中學的始祖馬偕博士。
咱中學佮同志社有密接的關係佇teh 的因端，咱通知，毋但 kan-ta平平是對佇基督教的主義來設立的學校；抑是中學的教員幾若位是同志社的出身者；或是有濟濟遮的學生去入同志社的緣故；也通知兩校對未開設以前，就有深深的因緣佇teh。
所以做後輩的人應該著出力維持這个關係，予這个關係益發親密，益發堅固；通提攜，來為著本國、天國盡in 的使命。Glee-club (音樂團)前年捌去宜蘭以及南部演奏旅行所經過成績不止好。知藝術的力融合人的心是大，彼tia̍p 起就囥彼款的向望愛你hong這个力來盡所teh bì liōng 的理想。
今已經成。Glee club有決定佇7月1 號欲起身，行親密的第一步；因為已經有得著2位的教授佮一位本校 的卒業生王守養君的贊成佮承諾，也歡喜鬥盡力。大大共in感謝。
向望這擺無失落好的機會，果然會得所親望的結果。
陳清忠