迷信ê艱苦

Bê-sìn ê kan-khó͘

文獻資訊

項目	資料
作者	無lo̍h名
卷期	台南府城教會報
卷期	第476卷
日期	1924/11
頁數	13

白話字（原文數位化）

Bê-sìn ê kan-khó͘

1924.11 476 koàn p.13

Tī ìn-tō͘ kok, bó͘ só͘-chāi ū chi̍t ê khah soe-bî ê chng, peh-sìⁿ giâu-gî káⁿ sī sîn- bêng teh khiàn-chek in. Chiū khì mn̄g pu̍t khoàⁿ tio̍h án-cháiⁿ-iūⁿ chiah ē pêng- an. Chiàu hit ê ang-î kóng tio̍h thâi chi̍t ê cha-bó͘-gín-ná lâi chè-hiàn; āu-lâi hiah ê lâng gī-tiāⁿ tio̍h ēng bó͘-lâng ê kiáⁿ. Tú-hó beh thâi chá chi̍t mê-hng, ū chi̍t ê bê-lō͘ ê gín-ná lâi hō͘ hit ê bó͘ lâng ê hū-jîn-lâng khioh--tio̍h, kap hit ê beh hō͘ lâng thâi ê gín-ná chò-hoé chia̍h chò-hoé khùn.

Keh ji̍t, thiⁿ boē kng, hit ê lâng beh phō gín-ná chhut-khì hō͘ lâng thâi, siūⁿ- tio̍h m̄-bián ēng i ka-kī ê kiáⁿ phō-- chhut-khì, thang ēng hit ê bê-lō͘-- ê lâi thè i. Chóng sī hit lāi-bīn àm-bong- bong bô tiám hoé, oh--tit hun-piat tó- chi̍t ê sī i kiáⁿ; chiū siūⁿ-tio̍h hit ê bê- lō͘ ê ū koà chhiú-khoân, ēng hit-ê thang chò kì-jīn, chiū àm-àm phō hit ê koà chhiú-khoân ê chhut--khì hō͘ lâng.

Kàu thiⁿ kng ê sî chiū khoàⁿ -kìⁿ hit ê bê-lō͘-ê iáu tī-teh, i ka-tī ê bô--khì. Chiah chai sī in bó͘ tī hit ê-hng khoàⁿ-kìⁿ chhiú- khoân chin suí, koh hit ê gín-ná beh khì thè i sì, hit ê chhiú-khoân bô lō͘-ēng; chiū pak--khì-lâi koà i ka-tī ê kiáⁿ; só͘-í hō͘ i ê ang chhò-jīn lâi phō m̄-tio̍h. In nn̄g-lâng chin iu-būn, m̄-kú bô hoat-tō͘. Khó-kiàu bê-sìn ê hāi lâng sī chin toā.

Khó-kiàn bî-sìn ê hāi-lâng sī chin toā.

漢羅（Ùi原文改寫）

迷信ê艱苦

1924.11 476卷 p.13

Tī 印度國，某一個較細微ê 庄，百姓giâu 疑敢是神明teh 譴責in。就去問佛看著án怎樣才會平安？照hit 個尪姨講著thâi 一個查某囡仔來祭獻；後來hiah-ê 人議定著用某人 ê 子。抵好beh thâi 早一暝昏，有一個迷路ê 囡仔來hō͘ hit 個某人ê 婦人人拾--著，佮hit 個beh hō͘ 人thâi ê 囡仔做夥食做夥睏。

隔日，天未光，hit 個人beh 抱囡仔出去hō͘ 人thâi,想著m̄ 免用伊家己ê 子抱--出去，thang 用hit 個迷路--ê 來替--伊。總是hit 內面暗bong-bong 無點火，oh得分別佗一個是伊子；就想著hit 個迷路--ê 有掛手環，用hit 個thang做記認，就暗暗抱hit 個掛手環--ê 出去hō͘--人。

到天光ê 時就看見hit 個迷路--ê iáu tī--teh，伊家己ê 無--去。才知是in 某tī hit e昏看見手環真suí,koh hit個囡仔beh 去替伊死，hit個手環無路用；就剝--起來掛伊家己ê 子；所以hō͘ 伊ê 翁錯認來抱m̄ 著。In 兩人就憂悶，m̄-kú無法度。

可見（kiàn)迷信ê 害人是真大。