論白賊
Lūn Pe̍h-chha̍t
文獻資訊
| 項目 | 資料 |
|---|---|
| 作者 | 無lo̍h名 |
| 卷期 | 台南府城教會報 |
| 卷期 | 第468卷 |
| 日期 | 1924/3 |
| 頁數 | 6 |
白話字（原文數位化）
Lūn Pe̍h-chha̍t
1924.03 468 koàn p.6
(Kh. Th. P.)
Chiàu lí phah-sǹg pe̍h-chha̍t cháiⁿ-iūⁿ ? Goá siūⁿ hit ê lī-hāi m̄-sī sió-khoá, in-uī oē hāi ka-kī, iā oē hāi pa̍t lâng , koh oē hāi kàu-hoē bô thé-biān, iā ū hoān-tio̍h Siōng-tè ê kài-lu̍t. Ngá-kok (3 : 2-7) ū kóng, “In-uī lán chèng-lâng tī choē- choē hāng poa̍h-tó. Tī kóng oē bô poa̍h- tó ê , chiū-sī choè oân-choân ê lâng, iā oē iok-sok i thong seng-khu. Lán hē bé-kā-kiuⁿ tī bé ê chhuì hō͘ i sūn-thàn lán, chiū koán-hat in thong seng-khu. Koh, lí khoàⁿ hiah ê chûn, sui-jiân hiah toā chiah, hō͘ toā-hong sàu i, iû- goân sī ēng soè-soè ê toā hō͘ i tńg-oat, chiàu tāi-kong ê ì-sù só͘ ài. án-ni chi̍h, sī soè-soè ê thé, iáu-kú kóng toā-oē. Lí khoàⁿ, sió-khoá ê hé sio chhiū-ba̍k joā choē ah ! Chih chiū-sī hé, tī lán pah- thé tiong choè put-gī ê sè-kài, phah lâ- sâm thong seng-khu, it-seng ê hêng-tōng tuì i hoat-hé; i ka-kī ê hé sī tuì tē-ge̍k hoat.” Taⁿ lán kàu-hoē-lāi ê lâng kóng- oē nā bô iok-sok i ê chi̍h, chiū-sī sit-lo̍h i ê sìn-iōng, tì-kàu só͘ kóng bô lâng ài thiaⁿ. Sio̍k-gú ū kóng, “Kun-chú ê lâng, kóng-oē uî-pîn, siáu-jîn ê lâng gû- phê siá-jī iā bô pîn.”
漢羅（Ùi原文改寫）
論白賊
1924.03 468卷 p.6
(Kh. Th. P.)
照你扑算白賊怎樣？我想hit個厲害m̄ 是小可，因為會害家己，也會害別人，koh 會害教會無體面，也有犯著上帝ê 戒律。雅各（3：2-7）有講：「因為咱眾人tī 濟濟項跋倒。Tī 講話無跋倒--ê,就是做完全ê 人，也會約束伊通身軀。咱下bé-kā-kiuⁿ tī 馬ê 嘴hō͘ 伊順趁咱，就管轄in 通身軀。Koh你看hiah-ê 船，雖然hiah大隻，hō͘ 大風掃伊，猶原是用細細ê 舵hō͘ 伊轉oat，照舵公ê 意思所愛。án-ni 舌，是細細ê 體，iáu-kú 講大話。你看，小可ê 火燒樹木偌濟--ah！舌就是火，tī 咱百體中做不義ê 世界，扑lâ-sâm通身軀，一生ê 行動tuì伊發火；伊家己ê 火是tuì地獄發。」今咱教會內ê 人講話若無約束伊ê 舌，就是失落伊ê 信用，致到所講無人ài聽。俗語有講：「君子ê 人，講話為憑；小人ê 人牛皮寫字也無憑。」