Kin-á-ji̍tPermalink

文獻資訊Permalink

白話字（原文數位化）Permalink

Kin-á-ji̍t

1921.09 438 koàn p.6

(Lô Khiân-ek e̍k.)

Kin-á-ji̍t sī lí só͘ ū, ia̍h sī lí só͘ choè, pí-phēng lí bô poàⁿ hāng, lí bô choè sím- mi̍h, chiū chhin-chhiūⁿ lóng bô kin-á-ji̍t. Kin-á-ji̍t chiū-sī hoaⁿ-hí, chiū-sī kang, chiū-sī seng-oa̍h.

Chā-hng m̄ bián khoàⁿ choè būn-toê, in-uī í-keng kè khì. Bîn-á-chài iā m̄ bián lia̍h choè būn-toê, in-uī iáu-bē kàu. Kin-á-ji̍t siōng iàu-kín ê ji̍t, kin-á-ji̍t ū ki-hoē. In-uī án-ni tio̍h tì-ì lâi thàn, bô lūn sím-mi̍h ki-hoē. Kin-á-ji̍t lâi chhiò, kin-á-ji̍t tio̍h ū hó-táⁿ, kin-á-ji̍t tio̍h ū hoaⁿ-hí, kin-á-ji̍t chiū-sī lí ê ji̍t. Tī kin-á-ji̍t sè-kan ta̍k hāng chiām- chiām teh oāⁿ, kin-á-ji̍t lí thang koh oa̍t-thâu, koh hoán-hoé. Kin-á-ji̍t lí thang ēng chā-hng só͘ o̍h-ê, kin-á-ji̍t thang tit-tio̍h oa̍h-miā ê seng-hoa̍t.

Tē-it iàu-kín, kin-á-ji̍t m̄ bián kiaⁿ, koh lóng m̄-bián khoà-lū, hō͘ bô iàu-kín ê sū lóng bô-lô iûⁿ-iûⁿ-khì. Kin-á-ji̍t tio̍h choè kang, tio̍h pang-chān, tio̍h thiàⁿ-thàng; in-uī kin-á-ji̍t boē oē koh lâi.

漢羅（Ùi原文改寫）Permalink

今仔日

1921.09 438卷 p.6

(羅乾益譯。)

今仔日是你所有，亦是你所做，比並你無半項，你無做甚物，就親像攏無今仔日；今仔日就是歡喜，就是工，就是生活。

昨昏m̄ 免看做問題，因為已經過去；明仔再也m̄ 免掠做問題，因為iáu-bē到。今仔日上要緊的日，今仔日有機會，因án-ni著致意來趁，無論甚物機會。今仔日來笑，今仔日著有好膽，今仔日著有歡喜，今仔日就是你的日。Tī今仔日世間逐項漸漸teh 換，今仔日你thang koh越頭，koh反悔；今仔日你thang用昨昏所學的，今仔日thang得著活命的生活。

第一要緊，今仔日m̄ 免驚，koh攏m̄ 免掛慮，hō͘無要緊的事攏bô-lô溶溶去；今仔日著做工，著幫贊，著疼痛，因為今仔日boē 會koh來。