加拿大教會
Ka-ná-tāi Kàu-hoē
文獻資訊
| 項目 | 資料 |
|---|---|
| 作者 | 無lo̍h名 |
| 卷期 | 台灣教會報 |
| 卷期 | 第379卷 |
| 日期 | 1916/10 |
| 頁數 | 7 |
白話字（原文數位化）
Ka-ná-tāi Kàu-hoē.
- 10, no. 379, pp. 7
Ka-ná-tāi tiúⁿ-ló kàu-hoē ū 8 ê sîn-ha̍k-hāu, sì chheng keng pài-tn̂g. To̍k-li̍p kàu-hoē ê pài-tn̂g ū nn̄g chheng sì pah keng. Ū oá nn̄g chheng ê Bo̍k-su, ia̍h ū chi̍t bān chi̍t chheng ê tiúⁿ-ló. Tiúⁿ-ló-kàu ê hoē-iú tsóng-sǹg ū tsa̍p peh bān ke, chheng-khì miâ ê hoē-iú saⁿ-tsa̍p-saⁿ bān saⁿ chheng. Tsú-ji̍t-o̍h ê ha̍k-seng tāi-khài ū saⁿ-tsa̍p bān. Ū chhit-tsa̍p-la̍k ê Tiong-hoē, poeh ê Tāi-hoē, chi̍t ê Tsóng-hoē. Kū-nî Pó͘-tsō͘-hoē, Tsû-siān-hoē kap Soan-tō-hoē ê iân-hāng tāi-khài ū 113 bān kho͘ gûn. Kin-nî Tsóng-hoē ū gī-tiāⁿ tio̍h kap Ka-ná-tāi ê Bî-î-bî-hoē (Methodist) kap Tso͘-ha̍p-hoē (Congregational) liân-ha̍p. Si̍t-hêng ê sî-tsūn sī Au-lô-pa chiu sio-thâi ê sū soah ê sî chiah sǹg khí. Bî-î-bî-hoē kap Tso͘-ha̍p-hoē í-keng ū gī-tiāⁿ ài liân-ha̍p. Saⁿ hoē liân-ha̍p liáu-āu, chiū miâ oē hō-tsoè “Ka-ná-tāi Liân-ha̍p ê Kàu-hoē”. Bî-î-bî hoē ê jîn-sò͘ kap Tiúⁿ-ló-hoē ê jîn-sò͘ tāi-khài ū pîⁿ-tsoē, Tso͘-ha̍p kàu-hoē ū khah chió. Saⁿ ê kàu-hoē nā saⁿ liân-ha̍p chiū in ê tsóng-sò͘ oē tāi-khài nn̄g pah bān lâng.
漢羅（Ùi原文改寫）
加拿大教會。
1916.10，no.379，pp.7
加拿大長老教會有8个神學校，四千間拜堂。獨立教會的拜堂有兩千四百間。有倚兩千个牧師，亦有一萬一千个長老。長老教的會友總算有十八萬加，清氣名的會友三十三萬三千。主日學的學生大概有三十萬。有七十六个中會，八个大會，一个總會。舊年補助會，慈善會佮宣道會的捐項大概有113萬箍銀。今年總會有議定著佮加拿大的Bî-î-bî會(Methodist)佮組合會(Congregational)聯合。實行的時陣是歐羅巴洲相刣的事煞的時才算起。Bî-î-bî會佮組合會已經有議定愛聯合。三會聯合了後，就名會號做「加拿大聯合的教會」。Bî-î-bî會的人數佮長老會的人數大概有平濟，組合教會有較少。三个教會若相聯合就in的總數會大概兩百萬人。