彰化小學告白
Chiang-hoà Sió-o̍h Kò-pe̍h
文獻資訊
| 項目 | 資料 |
|---|---|
| 作者 | 無lo̍h名 |
| 卷期 | 台灣教會報 |
| 卷期 | 第365卷 |
| 日期 | 1915/8 |
| 頁數 | 10 |
白話字（原文數位化）
Chiang-hoà Sió-o̍h Kò-pe̍h.
- 8, no. 365, pp. 10
Tuì ū chit keng Sió-o̍h kàu-taⁿ í-keng nn̄g nî goā kú; che sī lia̍t-uī ê hīⁿ-khang só͘ bat thiaⁿ-kìⁿ--ê.
Pún-jiân sī tuì Hô Bo̍k-su hoat-khí, ū ēng chin chē pái ê kau-sia̍p, chiah tit-tio̍h Chóng-tok-hú jīm-khó, chò Tiong-o̍h ê ī-pī-kho. iā phèng-chhiáⁿ N̂g Sū bēng sian-seⁿ lâi tam-tng chit ê kang, chiū siat cha̍p-goā hāng ê kho-ha̍k, put-chí ha̍p lō͘-ēng, iū-koh ū kì-siok-sià chin chē keng, thang hō͘ hn̄g-hn̄g lâi ê ha̍k-seng koh lī-piān thang toà. Sian-seⁿ put-chí koan-sim, ū ēng cheng-cha̍p ê ha̍k-seng lâi chiū-ha̍k, ta̍k ê bô siū-tio̍h chin toā ê lī-ek.
Bô phah-sǹg tī kin-nî ê 5 goe̍h uī-tio̍h seng-khu ê chó͘-tòng, chiū sî chit ê kang, oāⁿ-jīm khì Kiâm-chuí-káng. Tuì án-ne thoa goá lâi soà-chiap, nā-sī phí-jîn bû-ha̍k hō͘-poè, ù-le̍k iông-châi, si̍t-chāi m̄-káⁿ tam-tng, chóng-sī ū tit-tio̍h Siōng-chú ê in-huī, koh ín-chhoā nn̄g-uī ê Sian-seⁿ lâi, chi̍t ê choân-bū hàn-bûn ê sian-seⁿ Ông Phài-kheng, koh chi̍t-ê choân-jīm ta̍k khó ê sian-seⁿ Chhoà, Sêng-jîn. Thang kóng Sió-o̍h ū teh chìn-hêng lah.
漢羅（Ùi原文改寫）
彰化小學告白。
1915.8，no.365，pp.10
對有這間小學到taⁿ已經兩年外久；這是列位的耳空所捌聽見--的。
本然是對何牧師發起，有用真濟擺的交涉，才得著總督府認可，做中學的預備科。也聘請黃俟命先生來擔當這个工，就設十外項的科學，不止合路用，又閣有寄宿舍真濟間，通予遠遠來的學生閣利便通蹛。先生不止關心，有用cheng-十學生來就學，逐个無受著真大的利益。
無拍算佇今年的 5月為著身軀的阻擋，就時這个工，換任去鹹水港。對按呢拖我來續接，若是鄙人文學後輩，ù-le̍k庸才，實在毋敢擔當，總是有得著上主的恩惠，閣引chhoā兩位的先生來，一个全務漢文的先生王Phài-kheng，閣一个全任逐科的先生蔡成仁。通講小學有teh進行lah。