保惠師已經來

Pó-huī-su í-keng lâi

文獻資訊

項目	資料
作者	高天賜 Ko Thian-sù
卷期	台南府城教會報
卷期	第210張
日期	1902/9
頁數	68

白話字（原文數位化）

Pó-huī-su í-keng lâi

1902.09 210 koàn p.68-69

(Ko Thian-sù hoan-e̍k.)

1.Tio̍h thoân hoaⁿ-hí ê siaⁿ, Khì kàu ta̍k-hiuⁿ ta̍k-siâⁿ, Kìⁿ-nā tio̍h-boâ kan-khó͘, Á-sī iu-būn kiaⁿ-hiâⁿ, Goá ū ke̍k-hó siau-sit, Toā-siaⁿ pò hō͘ lín thiaⁿ, Pó-hui-su í-keng lâi!

Pó-huī-su í-keng lâi, Pó-huī-su í-keng lâi ! Thiⁿ-pē siúⁿ-sù Sèng-sîn, I ê èng-ún sī chin; Tio̍h thoân hoaⁿ-hí ê siaⁿ, Pò hō͘ chèng-lâng lóng thiaⁿ, Pó-huī-su í-keng-lâi !

2.Hiān-sî m̄-sī mî--sî, Sì-kè í-keng chá-khí; Hong-hō͘ ê siaⁿ lóng soah, Kiaⁿ-hiâⁿ pìⁿ chò hoaⁿ-hí; Chhiⁿ-chhuì soaⁿ-tèng ū ji̍t, Goá sim hí-lo̍k bô-pí ! Pó-huī-su í-keng lâi ! Pó-huī-su í-keng lâi…ûn-ûn

3.Bān-ông ê Ông Siōng-tè, Choân-lêng tī I si̍t-ē, Kàng-lîm chín-kiù bān-bîn, Thoat-lī Mô͘-kuí koân-sè, Im-hú ê kaⁿ ē khang, Tek-sèng ê koa bô thè : Pó-huī-su í-keng lâi ! Pó-huī-su í-keng lâi…ûn-ûn

4.Toā-in si̍t-chāi koh-iūⁿ, Goà sim bē-hiáu thang siūⁿ, Chún goá ke̍k pháiⁿ choē-jîn, En̂g-kng kap I chhin-chhiūⁿ, Chit hō jîn-ài ke̍k chhim, Pí hái koh khah oh niû, Pó-huī-su í-keng lâi ! Pó-huī-su í-keng lâi…ûn-ûn

5.Taⁿ tioh o-ló hoaⁿ-hí , Siaⁿ-im hiáng-liāng kàu thiⁿ , Soah hō͘ thiⁿ-téng sèng-sài , Toè lán saⁿ-kap gîm-si , Tâng gîm saⁿ-thiàⁿ ê tiāu , Eńg-oán toā o-ló i , Pó-huī-su í-keng lâi lah ! Pó-huī-su í-keng lâi … ûn-ûn

Soà chiong hā-tiāu ìn tī ē-té.

漢羅（Ùi原文改寫）

保惠師已經來

1902.09 210卷 p.68-69

(高天賜翻譯。)

1.著傳歡喜ê聲，去到逐鄉逐城，見若著磨艱苦，抑是憂悶驚惶，我有極好消息，大聲報hō͘ lín 聽，保惠師已經來！

保惠師已經來，保惠師已經來！天父賞賜聖神，伊ê 應允是真；著傳歡喜ê聲，報hō͘ 眾人攏聽，保惠師已經來！

2.現時m̄ 是暝--時，四界已經早起；風雨ê聲攏煞，驚惶變做歡喜；青翠山頂有日，我心喜樂無比！保惠師已經來！保惠師已經來…云云

3.萬王ê王上帝，全能tī 伊si̍t 下，降臨拯救萬民，脫離魔鬼權勢，陰府ê監會空，得勝ê歌無退：保惠師已經來！保惠師已經來…云云

4.大恩實在各樣，我心bē 曉thang 想，准我極歹罪人，榮光kap伊親像，這號仁愛極深，比海koh較oh量，保惠師已經來！保惠師已經來…云云

5.今著o-ló歡喜，聲音響亮到天，煞hō͘ 天頂聖使，Toè 咱相kap吟詩，同吟相疼ê調，永遠大o-ló伊，保惠師已經來！保惠師已經來…云云

紲將hā調印tī下底。