山東近來的事

Soaⁿ-tang kīn-lâi ê sū

文獻資訊

項目	資料
作者	無lo̍h名
卷期	台南府城教會報
卷期	第207張
日期	1902/6
頁數	44

白話字（原文數位化）

Soaⁿ-tang kīn-lâi ê sū

(N̂g Huī-ngó͘ hoan-e̍k Ji̍t-pún pò.)

190206 207 koàn p.44

Chêng tī 1899 nî Soaⁿ-tang-séng ū bó͘ koaⁿ-hú bat kap siâⁿ-lāi ê tha̍k-chheh-lâng gī-lūn Tiong-Se ha̍k-būn ê koh-iūⁿ. Chiàu in kóng, Tiong-kok ê ha̍k-būn iā sī chiâu-pī, Se-kok ta̍k-khoán ê kek-bu̍t lóng sī tuì Tiong-kok ê ha̍k-būn chhut-lâi. Tiong-kok-lâng nā o̍h Se-ha̍k sī koh-chài chhoē hit-ê kin-goân. Só͘-í in teh phah-sǹg siú-kí ka-tī ê chiū-hó.

Tuì chit nn̄g-saⁿ-nî lāi tha̍k-chheh-lâng ê tiong-kan iā ū kài-chē lâng khì káng-kiù Se-ha̍k. Tī kīn-ji̍t koān-chhì (chiū-sī koān-khó) chú-khó ū chiong “Iâ-so͘ kap Khóng-chú sím-mi̍h lâng khah chhut-tioh” chò tê-ba̍k bēng-lēng biah-ê tông-seng chò bûn-chiuⁿ.

Chêng kuí-nî tha̍k-chheh-lâng lóng m̄-goān kiâⁿ kàu lé-pài-tn̂g; taⁿ ū chin-chē Chheng-kok-lâng kam-goān lâi cha-mn̄g Se-ha̍k ê lí-khì--lah.

漢羅（Ùi原文改寫）

山東近來的事

(黃Huī-ngó͘翻譯日本報。)

1902.06 207卷p.44

前佇1899年山東省有某官府捌佮城內的讀冊人議論中西學問的各樣。照in講，中國的學問也是齊備，西國逐款的格物攏是對中國的學問出來。中國人若學西學是閣再揣彼个根源。所以in teh拍算守己家己的就好。

對這兩三年內讀冊人的中間也有蓋濟人去講究西學。佇近日縣市 (就是縣考) 主考有將「耶穌佮孔子啥物人較出擢」做題目命令hiah 的童生做文章。

前幾年讀冊人攏毋願行到禮拜堂；taⁿ有真濟清國人甘願來查問西學的理氣--lah。