巡教會
Sûn Kàu-hoē
文獻資訊
| 項目 | 資料 |
|---|---|
| 作者 | 無lo̍h名 |
| 卷期 | 台南府城教會報 |
| 卷期 | 第206張 |
| 日期 | 1902/5 |
| 頁數 | 36 |
白話字（原文數位化）
Sûn Kàu-hoē
1902.05 206 Koàn p.36
Liâm Bo̍k-su
Se-le̍k 3 goe̍h 16 hō (2:7) tī Chháu-ê tun Boán-chhan: ū 25 lâng kiû ji̍p-kàu chiông-tiong chiap-la̍p saⁿ-ê. Che sī thâu chi̍t-pái tī Chháu-ê-tun kiâⁿ sèng-hoē ê lé-sò͘. Chit ê kàu-hoē í-keng siat nn̄g saⁿ nî, hiān-sî teh siú lé-pài khah siông ū 50,60 lâng.
Saⁿ goe̍h 23 hō tī Gû-mā-thâu Boán-chhan; nn̄g lâng hit-ji̍t niá sé-lé ji̍p-kàu.
Saⁿ goe̍h 30 hō tī Toā-siā kiâⁿ sé-lé hō͘ nn̄g lâng soà siú Boán-chhan.
Tuì Toā-siā khì Tang-toā-tun kap Tāi-lí-khit. Chit nn̄g só͘-chāi sī sin siat ê kàu-hoē, iā chit-chūn chám-jiân oa̍h-tāng. Chóng-kiōng ū 46 lâng kiû ji̍p-kàu; tī 4 goe̍h 6 hō(2:28) chiap-la̍p cha̍p-it-ê.
Sì goe̍h 13 hō tī Chiang-hoà Boán-chhan; ū 16 lâng kiû ji̍p-kàu, chiông-tiong chiap-la̍p 8-ê.
Sóng Bo̍k-su
Sì goe̍h 13 hō tī Lāi-po͘-á Boán-chhan. Ū 23 lâng lâi kiû ji̍p-kàu, chiông-tiong ū chiap-la̍p 4-ê; iā ū kiâⁿ sé-lé hō͘ saⁿ-ê gín-ná. Hiān-sî Tân Teng-suí tī-hia teh kà sió-o̍h.
Sì goe̍h 20 hō tī Pi-thâu Boán-chhan. Kan-ta 4-ê lâi kiû ji̍p-kàu chiông-tiong chiap-la̍p nn̄g-ê kap nn̄g-ê gín-ná. Koh ū chiap-la̍p chi̍t-ê pún siū kìm ê hiaⁿ-tī. iū-koh ke siat-li̍p chi̍t-lâng chò chip-sū.
Sì goe̍h 27 hō tī A-kâu Boán-chhan. Ū 17 lâng lâi hō͘ Bo̍k-su mn̄g tō-lí; chiông-tiong ū chiap-la̍p sì-ê; tī hit sì-ê ê tiong-kan nn̄g-ê chū sè-hàn ū niá sé-lé. iā ū kiâⁿ sé-lé hō͘ nn̄g-ê gín-ná.
Sì goe̍h 29 hō (chiū-sī pài-jī mê) tī Tiong-nâ Boán-chhan. Ū 12 lâng lâi kiû ji̍p kàu-hoē, chiông-tiong chiap-la̍p sì-ê kap nn̄g-ê gín-ná.
漢羅（Ùi原文改寫）
巡教會
1902.05 206卷p.36
廉牧師
西曆3月16號(2：7)佇草鞋墩晚餐：有25人求入教從中接納三個。這是頭一擺佇草鞋墩行聖會的禮數。這个教會已經設兩三年，現時teh守禮拜較常有50，60人。
三月23號佇牛罵頭晚餐；兩人彼日領洗禮入教。
三月30號佇大社行洗禮予兩人紲守晚餐。
對大社去東大墩佮大里杙。這兩所在是新設的教會，也這陣嶄然活動。總共有46人求入教；佇4月6號(2：28)接納十一个。
四月13號佇彰化晚餐；有16人求入教，從中接納8个。
宋牧師
四月13號佇內埔仔晚餐。有23人來求入教，從中有接納4个；也有行洗禮予三个囡仔。現時陳Teng-suí佇遐teh教小學。
四月20號佇埤頭晚餐。干焦4个來求入教從中接納兩个佮兩个囡仔。閣有接納一个本受禁的兄弟。又閣加設立一人做執事。
四月27號佇阿猴晚餐。有17人來予牧師問道理；從中有接納四个；佇彼四个的中間兩個自細漢有領洗禮。也有行洗禮予兩个囡仔。
四月29號(就是拜二暝)佇中林晚餐。有12人來求入教會，從中接納四个佮兩个囡仔。